საქართველოს მთავრობის
განკარგულება №118
2008 წლის 12 მარტი
ქ. თბილისი
„საქართველოს სახელმწიფო ბიუჯეტიდან თანხის გამოყოფის შესახებ“ საქართველოს მთავრობის 2007 წლის 1 მარტის №114 განკარგულებაში დამატებების შეტანის თაობაზე
1. საქართველოს ზოგადი ადმინისტრაციული კოდექსის 63-ე მუხლის თანახმად „საქართველოს სახელმწიფო ბიუჯეტიდან თანხის გამოყოფის შესახებ“ საქართველოს მთავრობის 2007 წლის 1 მარტის №114 განკარგულებაში შეტანილ იქნეს დამატებები და განკარგულების პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:
„ა) ქურთის მუნიციპალიტეტის გამგეობას გამოეყოს 3 817 131 (სამი მილიონ რვაას ჩვიდმეტი ათას ას ოცდათერთმეტი) ლარი შემდეგი პროექტების განსახორციელებლად:
ა.ა) დიდი ლიახვის ხეობაში გარე განათება, სოფელ თამარაშენში ატრაქციონისა და სპორტდარბაზის მშენებლობისათვის საჭირო მიწის ფართობის შეძენა და მოწყობა;
ა.ბ) დიდი ლიახვის ხეობაში კეხვი-თამარაშენის წყალსადენის მაგისტრალის რეაბილიტაცია;
ა.გ) დიდი ლიახვის ხეობის სოფლების: თამარაშენის, აჩაბეთის, ქურთის, ხეითის, ძარწემის, ქემერტის გაზიფიცირება;
ა.დ) კეხვი-თამარაშენის სასმელი წყლის (ძველი) მაგისტრალის სარემონტო სამუშაოების შესასრულებლად, დაზიანებული მილებისა და ჩამკეტების ურდულების შეცვლა;
ა.ე) დიდი ლიახვის სოფლების: თამარაშენის, აჩაბეთის, ქურთის, ხეითის, ძარწემის, ქემერტის, სვერის გაზის ცენტრალური მაგისტრალიდან დაქსელვის საპროექტო სამუშაოები.“.
2. განკარგულება ძალაშია ხელმოწერის დღიდან.
პრემიერ-მინისტრი ვ. გურგენიძე