საქართველოს მთავრობის
განკარგულება №593
2009 წლის 14 აგვისტო
ქ. თბილისი
კასპის მუნიციპალიტეტისათვის საქართველოს მთავრობის სარეზერვო ფონდიდან თანხის გამოყოფის შესახებ
1. საქართველოს ფინანსთა სამინისტრომ „საქართველოს 2009 წლის სახელმწიფო ბიუჯეტის შესახებ” საქართველოს კანონით გათვალისწინებული საქართველოს მთავრობის სარეზერვო ფონდიდან ქვახვრელის № 1 სატუმბი სადგურის ელექტროენერგიის ღირებულების დაფარვის მიზნით კასპის მუნიციპალიტეტს გამოუყოს 100 000 (ასი ათასი) ლარი.
2. განკარგულების შესრულების კონტროლი კომპეტენციის ფარგლებში განახორციელონ საქართველოს ადმინისტრაციულ-ტერიტორიულ ერთეულებში (გორის, კასპის, ქარელისა და ხაშურის მუნიციპალიტეტები) სახელმწიფო რწმუნებულმა – გუბერნატორმა ვ. ვარძელაშვილმა და საქართველოს ფინანსთა სამინისტრომ.
პრემიერ-მინისტრი ნიკა გილაური