საქართველოს მთავრობის
განკარგულება №592
2009 წლის 14 აგვისტო
ქ. თბილისი
მცხეთის მუნიციპალიტეტისათვის საქართველოს მთავრობის სარეზერვო ფონდიდან თანხის გამოყოფის შესახებ
1. საქართველოს ფინანსთა სამინისტრომ „საქართველოს 2009 წლის სახელმწიფო ბიუჯეტის შესახებ” საქართველოს კანონით გათვალისწინებული საქართველოს მთავრობის სარეზერვო ფონდიდან მცხეთის მუნიციპალიტეტს გამოუყოს 18 000 (თვრამეტი ათასი) ლარი სოფელ წეროვანში მცხოვრები დევნილი მოსახლეობისათვის აშენებული სკოლის წყლისა და საკანალიზაციო ქსელის ცენტრალურ მაგისტრალზე მისაერთებლად საჭირო სამუშაოების შესასრულებლად.
2. განკარგულების შესრულების კონტროლი კომპეტენციის ფარგლებში განახორციელოს საქართველოს ადმინისტრაციულ-ტერიტორიულ ერთეულებში (დუშეთის, თიანეთის, მცხეთისა და ყაზბეგის მუნიციპალიტეტები) სახელმწიფო რწმუნებულმა – გუბერნატორმა ც. ჩოჩელმა.
პრემიერ-მინისტრი ნიკა გილაური