ჩხოროწყუს მუნიციპალიტეტის ხაბუმე-ჯუმითი-ზუმი-მუხურის საავტომობილო გზის რეაბილიტაციის შესახებ

საქართველოს მთავრობის

განკარგულება №583

2009 წლის 5 აგვისტო

ქ. თბილისი

ჩხოროწყუს მუნიციპალიტეტის ხაბუმე-ჯუმითი-ზუმი-მუხურის საავტომობილო გზის რეაბილიტაციის მიზნით:

1. საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა 2009-2010 წლებში უზრუნველყოს ჩხოროწყუს მუნიციპალიტეტის ხაბუმე-ჯუმითი-ზუმი-მუხურის საავტომობილო გზის დაპროექტება და რეაბილიტაცია.

2. აღნიშნული სამუშაოები ს დაფინანსება განხორციელდეს საქართველოს საავტომობილო გზების დეპარტამენტისათვის 2009-2010 წლებში შესაბამისი სახელმწიფო ბიუჯეტებით გზების რეაბილიტაციის სამუშაოებისათვის გამოყოფილ ასიგნებათა ფარგლებში.

პრემიერ-მინისტრი ნიკა გილაური