საქართველოს მთავრობის
განკარგულება №526
2009 წლის 24 ივლისი
ქ. თბილისი
„სანიტარიული პირობების გაუმჯობესების მიზნით ადგილობრივი თვითმმართველი ერთეულებისათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ” საქართველოს მთავრობის 2009 წლის 19 მარტის № 209 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად „სანიტარიული პირობების გაუმჯობესების მიზნით ადგილობრივი თვითმმართველი ერთეულებისათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ” საქართველოს მთავრობის 2009 წლის 19 მარტის № 209 განკარგულებაში შეტანილ იქნეს ცვლილება და განკარგულების პირველი პუნქტი ჩამოყალიბდეს შემდეგი რედაქციით:
„1. „საქართველოს 2009 წლის სახელმწიფო ბიუჯეტის შესახებ “ საქართველოს კანონის მე-17 მუხლით გათვალისწინებული საქართველოს რეგიონებში განსახორციელებელი პროექტების ფონდიდან საქართველოს ფინანსთა სამინისტრომ ადგილობრივ თვითმმართველ ერთეულებს საყოფაცხოვრებო ნარჩენების გადამზიდი მანქანებისა და ურნების შეძენის მიზნით გამოუყოს 370 000 (სამას სამოცდაათი ათასი) ლარი, მათ შორის:
ა) გორის მუნიციპალიტეტს – 35 000 (ოცდათხუთმეტი ათასი) ლარი საყოფაცხოვრებო ნარჩენების ურნებისათვის;
ბ) მცხეთის მუნიციპალიტეტს – 335 000 (სამას ოცდათხუთმეტი ათასი) ლარი:
– საყოფაცხოვრებო ნარჩენების გადამზიდი მანქანებისათვის – 300 000 (სამასი ათასი) ლარი;
– საყოფაცხოვრებო ნარჩენების ურნებისათვის – 35 000 (ოცდათხუთმეტი ათასი) ლარი.”.
პრემიერ-მინისტრი ნიკა გილაური