|
„საქართველოს განათლებისა და მეცნიერების სამინისტროს ადმინისტრაციაში (დეპარტამენტი) ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების დამტკიცების თაობაზე“ საქართველოს განათლებისა და მეცნიერების მინისტრის 2013 წლის 28 ოქტომბრის №161/ნ ბრძანებაში ცვლილების შეტანის თაობაზე
|
„ნორმატიული აქტების შესახებ” საქართველოს კანონის მე-20 მუხლის მე-4 პუნქტის საფუძველზე ვბრძანებ: |
| მუხლი 1 |
შეტანილ იქნეს ცვლილება „საქართველოს განათლებისა და მეცნიერების სამინისტროს ადმინისტრაციაში (დეპარტამენტი) ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების დამტკიცების თაობაზე“ საქართველოს განათლებისა და მეცნიერების მინისტრის 2013 წლის 28 ოქტომბრის №161/ნ ბრძანებაში (
www.matsne.gov.ge 28/10/2013, ს/კ: 480180000.22.022.016681) და ბრძანების პირველი მუხლით დამტკიცებულ დანართს დაემატოს შემდეგი შინაარსის მე-9 პუნქტი:
„9. საქართველოს განათლებისა და მეცნიერების მინისტრის მოადგილის/პირველი მოადგილის თანაშემწე: 9.1. კონკურსში მონაწილე კანდიდატი უნდა იყოს 21 წლის ასაკს მიღწეული საქართველოს ქმედუნარიანი მოქალაქე, ჰქონდეს უმაღლესი განათლება და ფლობდეს სახელმწიფო ენას. 9.2. საქართველოს განათლებისა და მეცნიერების მინისტრის მოადგილის/პირველი მოადგილის თანაშემწის ვაკანტური თანამდებობის დასაკავებლად კანდიდატებისათვის დამატებით დადგენილია შემდეგი საკვალიფიკაციო მოთხოვნები: ა) უმაღლესი განათლება: ბაკალავრის ან მასთან გათანაბრებული აკადემიური ხარისხი; ბ) სამუშაო გამოცდილება – არანაკლებ 1 წელი; გ) კომპიუტერული (საოფისე) პროგრამების კარგად ცოდნა (Ms. Word, Ms. Excel, Ms. PowerPoint, Outlook);
დ) უცხოური ენების (ინგლისური, რუსული) ცოდნა; ე.ა) მაგისტრის ან მასთან გათანაბრებული აკადემიური ხარისხის მქონე პირს; ე.ბ) პირს, რომელსაც აქვს მსგავს თანამდებობაზე მუშაობის გამოცდილება. 9.3. საქართველოს განათლებისა და მეცნიერების მინისტრის მოადგილის/პირველი მოადგილის თანაშემწის ვაკანტური თანამდებობის დასაკავებლად კანდიდატებისათვის დადგენილია შემდეგი საკონკურსო თემატიკა: ა) საქართველოს კონსტიტუცია; ბ),,საჯარო სამსახურის შესახებ” საქართველოს კანონი; გ) საქართველოს ზოგადი ადმინისტრაციული კოდექსი; დ) „საქართველოს განათლებისა და მეცნიერების სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №37 დადგენილება.“. |
| მუხლი 2 |
ბრძანება ამოქმედდეს გამოქვეყნებისთანავე.
|
|