საქართველოში სახელმწიფო საკუთრებაში დარჩენილი სასოფლო-სამეურნეო დანიშნულების მიწის პრივატიზაციის დასრულების ხელშეწყობის შესახებ

საქართველოს მთავრობი ს

განკარგულება № 47 7

2008 წლის 28 ივლისი

ქ. თბილისი

1. ცნობად იქნეს მიღებული საქართველოს ეკონომიკური განვითარების სამინისტროს მიერ წარმოდგენილი ინფორმაცია სასოფლო-სამეურნეო დანიშნულების მიწის პრივატიზაციის მიმდინარეობის შესახებ.

2. სახელმწიფო საკუთრებაში დარჩენილი სასოფლო-სამეურნეო დანიშნულების მიწის პრივატიზაციის დასრულების ხელშეწყობის მიზნით ეთხოვოს ამერიკის შეერთებული შტატების საერთაშორისო დახმარების სააგენტოს (USAID) გააგრძელოს „მიწის ბაზრის განვითარების ღონისძიებათა “ მხარდაჭერა 2008 წლის განმავლობაში.

3. 2009 წელს „ მიწის ბაზრის განვითარების ღონისძიებათა “ პროექტის დაფინანსება განხორციელდეს საქართველოს სახელმწიფო ბიუჯეტიდან.

4. საქართველოს ფინანსთა სამინისტრომ (ნ. გილაური) 2009 წლის სახელმწიფო ბიუჯეტის პროექტში გაითვალისწინოს საჭირო ხარჯები „ მიწის ბაზრის განვითარების ღონისძიებათა “ ფარგლებში.

5. განკარგულება ძალაშია ხელმოწერის დღიდან.

პრემიერ-მინისტრი ვ. გურგენიძე