საქართველოს კანონი
„სახელმწიფო ბაჟის შესახებ“ საქართველოს კანონში ცვლილებებისა და დამატების შეტანის თაობაზე
მუხლი 1.
„სახელმწიფო ბაჟის შესახებ“ საქართველოს კანონში (პარლამენტის უწყებანი, №19-20, 30.05.1998, მუხ. 37) შეტანილ იქნეს შემდეგი ცვლილებები და დამატება:
1. მე-4 მუხლის მე-5 პუნქტის:
ა) „ა“ ქვეპუნქტი ჩამოყალიბდეს შემდეგი რედაქციით:
„ა) საქართველოს მოქალაქის 32-გვერდიანი პასპორტის გაცემისათვის ან შეცვლისათვის – 35 ლარი, ხოლო 48-გვერდიანი პასპორტისა – 40 ლარი;“;
ბ) „ა“ ქვეპუნქტის შემდეგ დაემატოს შემდეგი შინაარსის „ა1“ ქვეპუნქტი:
„ა1) საქართველოში მუდმივად მცხოვრები მოქალაქეობის არმქონე პირის სამგზავრო პასპორტის გაცემისათვის ან შეცვლისათვის – 35 ლარი;“;
გ) „ბ“ ქვეპუნქტი ამოღებულ იქნეს;
დ) „მ“ ქვეპუნქტი ამოღებულ იქნეს.
2. მე-5 მუხლის მე-4 პუნქტის „ვ“ ქვეპუნქტი ჩამოყალიბდეს შემდეგი რედაქციით:
„ვ) 18 წლამდე ასაკის პირები – 50 პროცენტით.“.
მუხლი 2.
ეს კანონი ამოქმედდეს გამოქვეყნებიდან მე-15 დღეს.
საქართველოს პრეზიდენტი მ. სააკაშვილი
თბილისი,
2008 წლის 21 მარტი.
№5976–რს