ს აქართველოს მთ ავრობის
განკარგულება № 581
2005 წლის 22 დეკემბერი
ქ. თბილისი
„ სს „ თბილსრესის “ № 3 და № 4 ენერგობლოკების საექსპლუატაციოდ გაშვების დამატებით ღონისძიებათა შესახებ “ საქართველოს მთავრობის 2005 წლის 23 სექტემბრის № 395 განკარგულებაში ცვლილებების შეტანის თაობაზე
სს „ თბილსრესის “ № 3 და № 4 ენერგობლოკების სარეაბილიტაციო სამუშაოთა ეფექტიანად დამთავრების მიზნით აუცილებელი გახდა დამატებით 500 ათასი აშშ დოლარის ეკვივალენტი ლარის გამოყოფა, რომელიც მიიმართება არსებული დავალიანების შესამცირებლად.
ზემოაღნიშნულიდან გამომდინარე:
1. შეტანილ იქნეს ცვლილებები „ სს „ თბილსრესის “ № 3 და № 4 ენერგობლოკების საექსპლუატაციოდ გაშვების დამატებით ღონისძიებათა შესახებ “ საქართველოს მთავრობის 2005 წლის 23 სექტემბრის № 395 განკარგულებაში და პირველი პუნქტის „ ა “ ,,ბ” და „ გ “ ქვეპუნქტები ჩამოყალიბდეს შემდეგი რედაქციით:
„ ა) საქართველოს 2005 წლის სახელმწიფო ბიუჯეტში ენერგეტიკის სამინისტროსათვის განსაზღვრულ საერთო ასიგნებებში შეიტანოს შესაბამისი ცვლილებები სს „ თბილსრესის “ რეაბილიტაციის ღონისძიებათა დასაფინანსებლად; საამისოდ მიმდინარე წელს დამატებით გამოყოს 1 950 000 (ერთი მილიონ ცხრაას ორმოცდაათი ათასი) აშშ დოლარის ეკვივალენტი თანხა ლარობით და გამოიყენოს იგი საკრედიტო რესურსად სს „ თბილსრესის “ მიერ № 3 და № 4 ენერგობლოკების სარეაბილიტაციოდ სს „ ელიტტექნოსტროისთან “ დამატებით გაფორმებულ ხელშეკრულებათა დასაფინანსებლად;
ბ) ამ მიზნით საქართველოს 2006 წლის სახელმწიფო ბიუჯეტის პროექტში საქართველოს ენერგეტიკის სამინისტროს წინადადების საფუძველზე საკრედიტო რესურსად გაითვალისწინოს ასიგნებათა 2 806 031 (ორი მილიონ რვაას ექვსი ათას ოცდათერთმეტი) აშშ დოლარის ეკვივალეტი თანხის გამოყოფა ლარობით;
გ) „ საქართველოს 2005 წლის სახელმწიფო ბიუჯეტის შესახებ “ საქართველოს კანონით ენერგეტიკის სექტორის სუბსიდირებისთვის განსაზღვრულ ასიგნებთა ფარგლებში სს „ თბილსრესის “ რეაბილიტაციის სამუშაოებისათვის „ საქართველოს 2005 წლის სახელმწიფო ბიუჯეტის შესახებ “ საქართველოს კანონით საქართველოს ენერგეტიკის სამინისტროსთვის გამოყოფილი ასიგნებებიდან ერთ კვირაში ამ დანიშნულებით სს „ თბილსრესს “ კრედიტის სახით გამოუყოს 1 450 000 (ერთი მილიონ ოთხას ორმოცდაათი ათასი), ხოლო 2005 წლის ბოლომდე 500 000 (ხუთასი ათასი) აშშ დოლარის ეკვივალენტი თანხა ლარობით, სულ 1 950 000 (ერთი მილიონ ცხრას ორმოცდაათი ათასი) აშშ დოლარი, საქართველოს მთავრობის მიმდინარე წლის 2 ივნისის № 218 განკარგულებით განსაზღვრული პირობებით. “ .
2. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი