გორის მუნიციპალიტეტის ადგილობრივი თვითმმართველობის მოხელეთა დამატებითი საკვალიფიკაციო მოთხოვნების დამტკიცების შესახებ

გორის მუნიციპალიტეტის საკრებულოს

დადგენილება №40

2013 წლის 8 ნოემბერი

ქ. გორი

,,საჯარო სამსახურის შესახებ“ საქართველოს კანონის მე-19 მუხლის პირველი და მე-3 პუნქტების, აგრეთვე „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის საფუძველზე, გორის მუნიციპალიტეტის საკრებულომ დაადგინა:

მუხლი 1

დამტკიცდეს გორის მუნიციპალიტეტის ადგილობრივი თვითმმართველობის მოხელეთა შემდეგი დამატებითი საკვალიფიკაციო მოთხოვნები:

ა) მუშაობის არანაკლებ 2-წლიანი სამუშაო გამოცდილება;

ბ) არანაკლებ ბაკალავრის აკადემიური ხარისხი;

გ) შემდეგი სამართლებრივი აქტების ცოდნა:

გ.ა) საქართველოს კონსტიტუცია;

გ.ბ) ,,ადგილობრივი თვითმმართველობის შესახებ” საქართველოს ორგანული კანონი;

გ.გ) „საჯარო სამსახურის შესახებ“ საქართველოს კანონი;

გ.დ) საქართველოს ზოგადი ადმინისტრაციული კოდექსი (I, II, III და IV თავები);

დ) საოფისე პროგრამების ცოდნა და ინტერნეტის მოხმარების უნარი.

მუხლი 2

გამგებლის და გამგებლის მოადგილის თანამდებობის დასაკავებლად, გარდა ამ დადგენილების პირველი მუხლის ,,გ“ ქვეპუნქტით დადგენილი მოთხოვნებისა, სავალდებულოა შემდეგი სამართლებრივი აქტების ცოდნა:

ა) საბიუჯეტო კოდექსი;

ბ) ,,სახელმწიფო შესყიდვების შესახებ“ საქართველოს კანონი.

მუხლი 3

იურიდიული სამსახურის უფროსისა და იურიდიული სამსახურის მოხელეთათვის, გარდა ამ დადგენილების პირველი მუხლის ,,გ“ ქვეპუნქტით დადგენილი მოთხოვნებისა, სავალდებულოა შემდეგი სამართლებრივი აქტების ცოდნა:

ა) ,,ნორმატიული აქტების შესახებ“ საქართველოს კანონი;

ბ) საქართველოს სამოქალაქო კოდექსი;

გ) საქართველოს სამოქალაქო საპროცესო კოდექსი.

მუხლი 4

გამგეობის საფინანსო-საბიუჯეტო სამსახურის უფროსის და გამგეობის საფინანსო-საბიუჯეტო სამსახურის მოხელეთათვის, გარდა ამ დადგენილების პირველი მუხლის ,,გ“ ქვეპუნქტით დადგენილი მოთხოვნებისა, სავალდებულოა საბიუჯეტო კოდექსის ცოდნა.

მუხლი 5

გამგეობის შესყიდვების სამსახურის უფროსის და გამგეობის შესყიდვების სამსახურის მოხელეთათვის, გარდა ამ დადგენილების პირველი მუხლის ,,გ“ ქვეპუნქტით დადგენილი მოთხოვნებისა, სავალდებულოა ,,სახელმწიფო შესყიდვების შესახებ“ საქართველოს კანონის ცოდნა.

მუხლი 6

ამ დადგენილების პირველი მუხლის ,, ბ “-,, დ “ ქვეპუნქტებით გათვალისწინებული დამატებითი საკვალიფიკაციო მოთხოვნები არ ვრცელდება გამგეობის სახანძრო დაცვის სამსახურის მთავარ სპეციალისტებზე , წამყვან სპეციალისტებზე , უფროს სპეციალისტებზე და სპეციალისტებზე .

გორის მუნიციპალიტეტის საკრებულოს 2013 წლის 19 ნოემბრის დადგენილება № 43 - ვებგვერდი, 25.11.2013წ.

მუხლი 7

გამგეობის მოხელეთათვის, გარდა ამ დადგენილების პირველი მუხლის ,,გ“ ქვეპუნქტით დადგენილი მოთხოვნებისა, სავალდებულოა ,,გორის მუნიციპალიტეტის გამგეობის დებულების დამტკიცების შესახებ” გორის მუნიციპალიტეტის საკრებულოს 2010 წლის 13 აგვისტოს N12 დადგენილების ცოდნა.

მუხლი 8

საკრებულოს მოხელეთათვის, გარდა ამ დადგენილების პირველი მუხლის ,,გ“ ქვეპუნქტით დადგენილი მოთხოვნებისა, სავალდებულოა ,,გორის მუნიციპალიტეტის საკრებულოს დებულების (რეგლამენტის) დამტკიცების შესახებ“ გორის მუნიციპალიტეტის საკრებულოს 2010 წლის 28 ივლისის N4 დადგენილების ცოდნა.

მუხლი 8¹

გამგეობის სახანძრო დაცვის სამსახურის უფროსისათვის და მოხელეთათვის სავალდებულოა შემდეგი სამართლებრივი აქტების ცოდნა :

ბ ) ,, სახანძრო დაცვის სამსახურების მიერ ხანძრის ჩაქრობის და საავარიო - სამაშველო სამუშაოების ჩატარების წესდების დამტკიცების შესახებ “ საქართელოს შინაგან საქმეთა სამინისტროს 2007 წლის 21 მაისის N738 ბრძანება ;

გ ) ,, სახანძრო - სამაშველო დანაყოფებში შრომის დაცვისა და უსაფრთხოების ტექნიკის წესების დამტკიცების შესახებ “ საქართელოს შინაგან საქმეთა სამინისტროს 2009 წლის 18 მაისის N649 ბრძანება .

მუხლი 8²

ამ დადგენილების პირველი მუხლის ,, ბ “ და ,, დ “ ქვეპუნქტებით გათვალისწინებული დამატებითი საკვალიფიკაციო მოთხოვნები არ ვრცელდება შემდეგ თვითმმართველი ერთეულის ტერიტორიული ორგანოს ხელმძღვანელებზე – თვითმმართველი ერთეულის რწმუნებულებზე და თვითმმართველი ერთეულის ტერიტორიული ორგანოს მოხელეებზე :

ა ) ქვახვრელის თვითმმართველი ერთეულის ტერიტორიული ორგანო ;

ბ ) ატენის თვითმმართველი ერთეულის ტერიტორიული ორგანო ;

გ ) ტინისხიდის თვითმმართველი ერთეულის ტერიტორიული ორგანო ;

დ ) შინდისის თვითმმართველი ერთეულის ტერიტორიული ორგანო ;

ე ) ვარიანის თვითმმართველი ერთეულის ტერიტორიული ორგანო ;

ვ ) ძევერის თვითმმართველი ერთეულის ტერიტორიული ორგანო ;

ზ ) ტყვიავის თვითმმართველი ერთეულის ტერიტორიული ორგანო ;

თ ) ახალუბნის თვითმმართველი ერთეულის ტერიტორიული ორგანო ;

ი ) დიცის თვითმმართველი ერთეულის ტერიტორიული ორგანო ;

კ ) შავშვების თვითმმართველი ერთეულის ტერიტორიული ორგანო ;

ლ ) ტირძნისის თვითმმართველი ერთეულის ტერიტორიული ორგანო ;

მ ) სკრის თვითმმართველი ერთეულის ტერიტორიული ორგანო ;

ნ ) ბოშურის თვითმმართველი ერთეულის ტერიტორიული ორგანო ;

ო ) მერეთის თვითმმართველი ერთეულის ტერიტორიული ორგანო ;

პ ) კარალეთის თვითმმართველი ერთეულის ტერიტორიული ორგანო ;

ჟ ) მეჯვრისხევის თვითმმართველი ერთეულის ტერიტორიული ორგანო ;

რ ) ნიქოზის თვითმმართველი ერთეულის ტერიტორიული ორგანო ;

ს ) ხიდისთავის თვითმმართველი ერთეულის ტერიტორიული ორგანო ;

ტ ) ზეღდულეთის თვითმმართველი ერთეულის ტერიტორიული ორგანო ;

უ ) ბერბუკის თვითმმართველი ერთეულის ტერიტორიული ორგანო ;

ფ ) მღებრიანის თვითმმართველი ერთეულის ტერიტორიული ორგანო ;

ქ ) საყავრის თვითმმართველი ერთეულის ტერიტორიული ორგანო .

მუხლი 9

ძალადაკარგულად გამოცხადდეს:

ა) „გორის მუნიციპალიტეტის გამგეობის მოხელეთა დამატებითი საკვალიფიკაციო მოთხოვნების შესახებ“ გორის მუნიციპალიტეტის საკრებულოს 2011 წლის 30 მარტის №17 დადგენილება;

ბ) „გორის მუნიციპალიტეტის განათლების, კულტურის, სპორტისა და ახალგაზრდულ საქმეთა სამსახურის მთავარი სპეციალისტის ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნების დამტკიცების შესახებ“ გორის მუნიციპალიტეტის საკრებულოს 2010 წლის 12 ნოემბრის №47 დადგენილება.

მუხლი 10

ეს დადგენილება ძალაშია გამოქვეყნებისთანავე.

საკრებულოს თავმჯდომარე დავით რაზმაძე