დუშეთის რაიონის გამგეობისათვის საქართველოს მთავრობის სარეზერვო ფონდიდან თანხის გამოყოფის შესახებ

საქართველოს მთავრობის

განკარგულება №240

2005 წლის 10 ივნისი

ქ. თბილისი

დუშეთის რაიონში მომხდარი სტიქიური მოვლენების შედეგად დაზარალებული მოსახლეობის სასიცოცხლოდ აუცილებელი სურსათით გადაუდებელი დახმარების მიზნით:

1. საქართველოს ფინანსთა სამინისტრომ (ვ. ჩეჩელაშვილი) ,,საქართველოს 2005 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან დუშეთის რაიონის გამგეობას გამოუყოს 5 000 (ხუთი ათასი) ლარი.

2. დუშეთის რაიონის გამგეობამ უზრუნველყოს სურსათის შეძენა ,,სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის ,,გ“ ქვეპუნქტის მოთხოვნათა შესაბამისად.

პრემიერ-მინისტრი ზ. ნოღაიდელი