შპს „ფოთის საზღვაო ნავსადგურისა“ და შპს „ბათუმის საზღვაო სავაჭრო ნავსადგურისათვის“ სახელმწიფო საკუთრებაში არსებული ქონების უსასყიდლო უზუფრუქტის ფორმით გადაცემის შესახებ

ს აქართველოს მთ ავრობის

განკარგულება № 20

2006 წლის 18 იანვარი

ქ. თბილისი

შპს „ ფოთის საზღვაო ნავსადგურისა“ და შპს „ ბათუმის საზღვაო სავაჭრო ნავსადგურისათვის“ სახელმწიფო საკუთრებაში  არსებული  ქონების  უსასყიდლო უზუფრუქტის ფორმით  გადაცემის შესახებ

„ სახელმწიფო საკუთრებაში არსებული ქონების საქარ­თველოს სამოქალაქო კოდექსით გათვალისწინებული ფორმებით სარგებლობის უფლებით მართვის (გადაცემის) წესის შესახებ დებულები­ს დამტკიცების თაობაზე“ საქართველოს მთავრობის 2005 წლის 3 დეკემბრის № 218 დადგენილების შესაბამისად:

1. გადაეცეს შპს „ ფოთის საზღვაო ნავსადგურს“ ქ. ფოთში, ნავსადგურის სარეჟიმო ტერიტორიაზე მდებარე სახელმწიფო საკუთრებაში არსებული ჰიდროტექნიკური ნაწილი, ნავმისადგომები № 3; № 4; № 5; № 6; № 8; № 9; № 10; № 11, № 12; № 13; № 14; № 15, სამხრეთ დამცავი მოლო და 11-12 ნავმისადგომების შეუღლების ჰიდროტექნიკური ნაწილი მოქმედი კანონმდებლობის შესაბამისად უსასყიდლო უზუფ­რუქტის ფორმით.

2. გადაეცეს შპს „ ბათუმის საზღვაო სავაჭრო ნავ­სადგურს“ ქ. ბათუმში, საზღვაო სავაჭრო ნავსადგურის ტერიტორიაზე მდებარე სახელმწიფო საკუთრებაში არსებული ჰიდროტექნიკური ნაგებობები, ნავმისადგომები № 1; № 2; № 3; № 6; № 7; № 8; № 9; № 10; № 11 და დამცავი ნაგებობები მოქმედი კანონმდებლობის შესაბამისად უსასყიდლო უზუფრუქტის ფორმით.

3. საქართველოს ეკონომიკური განვითარების სამინის­ტრომ (ი. ჩოგოვაძე) და ტერიტორიულ აღრიცხვისა და სარეგისტრაციო სამსახურებმა უზრუნველყონ ზემოაღნიშ­ნული ქონების გადაცემისათვის საჭირო ღონისძიებათა განხორციელება მოქმედი კანონმდებლობის მოთხოვნათა დაცვით.

პრემიერ-მინისტრი                                                                                   ზ. ნოღაიდელი