საქართველოს მთავრობის
განკარგულება № 420
2006 წლის 6 სექტემბერი
ქ. თბილისი
სახელმწიფო ტყის ფონდის მიწებიდან ( თბილისის ( ყოფილი გარდაბნის რაიონის) სატყეო მეურნეობიდან) ფართობის ამორიცხვის და გარდაბნის რაიონის დაბა კოჯრის საკრებულოს ტერიტორიაზე არსებული სახელმწიფო საკუთრების მიწის ფართობის სახელმწიფო ტყის ფონდში ჩარიცხვის შესახებ
1. მოწონებულ იქნეს გარდაბნის რაიონის გამგეობის წინადადება (გამგეობის 2006 წლის 12 ივლისის № 123 დადგენილება) და საქართველოს მიწის გამოყენებისა და დაცვის სახელმწიფო კომისიის რეკომენდაცია (კომისიის 2006 წლის 10 აგვისტოს სხდომის ოქმი № 7) თბილისის (ყოფილი გარდაბნის რაიონის) სატყეო მეურნეობისა და კოჯრის საკრებულოს ტერიტორიებიდან მიწის ფართობების ამორიცხვისა და ჩარიცხვის შესახებ.
2. გარდაბნის რაიონის დაბა კოჯრის საკრებულოს ტერიტორიაზე სახელმწიფო საკუთრების მიწაზე განთავსებული 104 ჰა ტყით დაფარული ფართობი ჩაირიცხოს სახელმწიფო ტყის ფონდში, ხოლო სახელმწიფო ტყის ფონდიდან (თბილისის (ყოფილი გარდაბნის რაიონის) სატყეო მეურნეობიდან) ამოირიცხოს 28.5 ჰა არასატყეო-სამეურნეო დანიშნულების ფართობი.
3. საქართველოს გარემოს დაცვისა და ბუნებრივი რესურსების სამინისტრომ (დ. ტყეშელაშვილი) გარდაბნის რაიონის გამგეობასთან ერთად მოახდინოს ამ განკარგულების პირველ პუნქტში აღნიშნული მიწის ნაკვთების ნატურაში გამიჯვნა, მიღება-ჩაბარება და შესაბამისი დოკუმენტაციის მომზადება-გაფორმება.
4. ეთხოვოს გარდაბნის რაიონის გამგეობას უზრუნველყოს სახელმწიფო ტყის ფონდის მიწებიდან ამორიცხული და მისთვის გადაცემული მიწის ფართობის აღრიცხვა და შემდგომი გამოყენების შესახებ გადაწყვეტილებათა მიღება მოქმედი კანონმდებლობის შესაბამისად.
5. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი