საქართველოს მთავრობის სარეზერვო ფონდიდან მცხეთის მუნიციპალიტეტისათვის თანხის გამოყოფის შესახებ

საქართველოს მთავრობის

განკარგულება № 629

2007 წლის 24 ოქტომბერი

ქ. თბილისი

1. საქართველოს ფინანსთა სამინისტრომ (ნ. გილაური) მცხეთის მუნიციპალიტეტს მცხეთის მუნიციპალიტეტის სოფელ საგურამოში მდებარე ილია ჭავჭავაძის სახლ-მუზეუმთან მისასვლელი საავტომობილო გზის რეაბილიტაციისათვის „ საქართველოს 2007 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან გამოუყოს 300 000 (სამასი ათასი) ლარი.

2. „ სახელმწიფო შესყიდვების შესახებ” საქართველოს კანონის მე-10 მუხლის მე-3 პუნქტის „ ე“ ქვეპუნქტის შესაბამისად, აღნიშნული ღონისძიების შეზღუდულ ვადებში შეუფერხებელი განხორციელებისათვის მცხეთის მუნიციპალიტეტის გამგეობამ შესყიდვა განახორციელოს ერთ პირთან მოლაპარაკების საშუალებით.

პრემიერ-მინისტრი ზ. ნოღაიდელი