საქართველოს მთავრობის
განკარგულება № 380
2006 წლის 11 აგვისტო
ქ. თბილისი
„ტერიტორიული ერთეულების ბიუჯეტებისათვის საქართველოს სახელმწიფო ბიუჯეტიდან თანხის გამოყოფის შესახებ” საქართველოს მთავრობის 2006 წლის 4 ივლისის № 324 განკარგულებაში ცვლილების შეტანის თაობაზე
შეტანილ იქნეს ცვლილება „ტერიტორიული ერთეულების ბიუჯეტებისათვის საქართველოს სახელმწიფო ბიუჯეტიდან თანხის გამოყოფის შესახებ” საქართველოს მთავრობის 2006 წლის 4 ივლისის № 324 განკარგულებაში და № 1 დანართის მე-2 პუნქტი ჩამოყალიბდეს შემდეგი რედაქციით:
„2. ჭიათურის რაიონის ბიუჯეტს გამოეყოს 500 000 (ხუთასი ათასი) ლარი შემდეგი პროექტების განსახორციელებლად:
ა) ცენტრალური და მონასტრის სატუმბო სადგურების რეაბილიტაცია, მონასტრის სატუმბო სადგურის სათავე ნაგებობის აღდგენა, 500 მ3-იანი რეზერვუარის აღდგენა რუსთაველის ქუჩაზე, 1000 მ3-იანი რეზერვუარის აღდგენა პერევისის ზეგანზე, მაგისტრალური მილსადენების აღდგენა ერისთავის, რუსთაველის, ტოლსტოის, სტალინის (სანატორიუმი-ბაღი, ცენტრალურიდან – ბისის ქარხნის 1500 მ3-იან რეზერვუარამდე), ტყაბლაძის ქუჩებზე;
ბ) საკანალიზაციო ქსელის რეაბილიტაცია ჭავჭავაძის, გოგებაშვილის, თორღვაშვილის, თავისუფლების, ტოლსტოის, ვაჟა-ფშაველას, იაშვილისა და კოსტავას ქუჩებზე;
გ) მაგისტრალური გაზსადენის აღდგენა ჭავჭავაძის, ბარათაშვილის, ლეჟუბნისა და 9 აპრილის ქუჩებზე.
პრემიერ-მინისტრი ზ. ნოღაიდელი