საქართველოს მთავრობის
განკარგულება № 353
2006 წლის 20 ივლისი
ქ. თბილისი
საქართველოს ფინანსთა სამინისტროს, როგორც საქართველოს მთავრობის წარმომადგენელსა და სააქციო საზოგადოება ავსტრიის კონტროლბანკს ( ვენა), როგორც „ექსპორტის ხელშეწყობის შესახებ” 1981 წლის კანონის შესაბამისად ავსტრიის რესპუბლიკის სახელით მოქმედ აგენტს შორის „მთელი ვალის დაფარვის შესახებ” შეთანხმების თაობაზე საქართველოს ფინანსთა სამინისტროს წინადადების შესახებ
1. მოწონებულ იქნეს საქართველოს ფინანსთა სამინისტროს წინადადება ავსტრიის რესპუბლიკისადმი საქართველოს მთელი ვალის დაფარვასთან დაკავშირებით „მთელი ვალის დაფარვის მექანიზმის შესახებ” შეთანხმების დადების თაობაზე.
2. „სახელმწიფო ვალის შესახებ” საქართველოს კანონის მე-2 მუხლის შესაბამისად ეთხოვოს თანხმობა საქართველოს პრეზიდენტს „საქართველოს ფინანსთა სამინისტროს, როგორც საქართველოს მთავრობის წარმომადგენელსა და სააქციო საზოგადოება ავსტრიის კონტროლბანკს (ვენა), როგორც „ექსპორტის ხელშეწყობის შესახებ” 1981 წლის კანონის შესაბამისად ავსტრიის რესპუბლიკის სახელით მოქმედ აგენტს შორის „მთელი ვალის დაფარვის შესახებ” შეთანხმების დადების თაობაზე და ამ შეთანხმების ხელმოწერის უფლებამოსილების საქართველოს ფინანსთა მინისტრის ალექსი ალექსიშვილისათვის მინიჭების შესახებ.
პრემიერ-მინისტრი ზ. ნოღაიდელი