საქართველოს მთავრობის
განკარგულება № 276
2007 წლის 7 ივნისი
ქ. თბილისი
„ ქ. თბილისში, 26 მაისის სახელობის მოედანზე, სასტუმრო „ აჭარის“ მიმდებარედ სახელმწიფო საკუთრებაში არსებული მიწის ნაკვეთის განკარგვის შესახებ“ საქართველოს მთავრობის 2005 წლის 29 სექტემბრის № 399 განკარგულებაში ცვლილების შეტანის თაობაზე
1. საქართველოს ზოგადი ადმინისტრაციული კოდექსის 59-ე მუხლის შესაბამისად შეტანილ იქნეს ცვლილება „ ქ. თბილისში, 26 მაისის სახელობის მოედანზე, სასტუმრო „ აჭარის “ მიმდებარედ სახელმწიფო საკუთრებაში არსებული მიწის ნაკვეთის განკარგვის შესახებ “ საქართველოს მთავრობის 2005 წლის 29 სექტემბრის № 399 განკარგულებაში და პირველი პუნქტი ჩამოყალიბდეს შემდეგი რედაქციით:
„ 1. ,,სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ “ საქართველოს კანონის მე-3 მუხლის მე-4 პუნქტის „ ა “ ქვეპუნქტის შესაბამისად მიღებულ იქნეს ქ. თბილისის მთავრობის წინადადება და მიეცეს მას თანხმობა ქ. თბილისში, 26 მაისის სახელობის მოედანზე, სასტუმრო „ აჭარის “ მიმდებარედ სახელმწიფო საკუთრებაში არსებული 4250 კვ.მ მიწის ნაკვეთის შპს „ აჭარა + “ -სათვის პირდაპირი განკარგვის წესით საკუთრებაში გადაცემის შესახებ. “ .
2. განკარგულება ძალაშია 2005 წლის 30 სექტემბრიდან.
პრემიერ-მინისტრი ზ. ნოღაიდელი