საქართველოს მთავრობის
განკარგულება № 332
2006 წლის 4 ივლისი
ქ. თბილისი
„ტერიტორიული ერთეულების ბიუჯეტებისათვის საქართველოს სახელმწიფო ბიუჯეტიდან თანხის გამოყოფის შესახებ” საქართველოს მთავრობის 2006 წლის 9 თებერვლის № 66 განკარგულებაში ცვლილებების შეტანის თაობაზე
შეტანილ იქნეს ცვლილებები „ტერიტორიული ერთეულების ბიუჯეტებისათვის საქართველოს სახელმწიფო ბიუჯეტიდან თანხის გამოყოფის შესახებ” საქართველოს მთავრობის 2006 წლის 9 თებერვლის № 66 განკარგულებაში და № 9 დანართი ჩამოყალიბდეს შემდეგი რედაქციით:
„დანართი № 9
მცხეთა-მთიანეთის მხარეში განსახორციელებელი
პროექტები
თანხა სულ – 700 000 (შვიდასი ათასი) ლარი
მცხეთის რაიონის ბიუჯეტს გამოეყოს 203 382 (ორას სამი ათას სამას ოთხმოცდაორი) ლარი ახალი ავტოსატრანსპორტო საშუალებების შესაძენად;
დუშეთის რაიონის ბიუჯეტს გამოეყოს 208 707 (ორას რვა ათას შვიდას შვიდი) ლარი ახალი ავტოსატრანსპორტო საშუალებების შესაძენად;
თიანეთის რაიონის ბიუჯეტს გამოეყოს 87 500 (ოთხმოცდაშვიდი ათას ხუთასი) ლარი ახალი ავტოსატრანსპორტო საშუალებების შესაძენად;
ყაზბეგის რაიონის ბიუჯეტს გამოეყოს 112 911 (ას თორმეტი ათას ცხრაას თერთმეტი) ლარი ახალი ავტოსატრანსპორტო საშუალებების შესაძენად;
ახალგორის რაიონის ბიუჯეტს გამოეყოს 87 500 (ოთხმოცდაშვიდი ათას ხუთასი) ლარი ახალი ავტოსატრანსპორტო საშუალებების შესაძენად.”.
პრემიერ-მინისტრი ზ. ნოღაიდელი