|
„საჯარო სამართლის იურიდიული პირის - თბილისის მარიონეტების სახელმწიფო თეატრის შექმნის შესახებ“ საქართველოს პრეზიდენტის 2006 წლის 1 თებერვლის №92 ბრძანებულებაში ცვლილების შეტანის თაობაზე
|
1.
„ნორმატიული აქტების შესახებ“ საქართველოს კანონის მე-20 მუხლის შესაბამისად, „საჯარო სამართლის იურიდიული პირის - თბილისის მარიონეტების სახელმწიფო თეატრის შექმნის შესახებ“ საქართველოს პრეზიდენტის 2006 წლის 1 თებერვლის №92 ბრძანებულებაში (სსმ III, 2006 წ., №14, მუხ. 162) შეტანილ იქნეს შემდეგი ცვლილებები: |
ა)
ბრძანებულების სათაური ჩამოყალიბდეს შემდეგი რედაქციით:
„საჯარო სამართლის იურიდიული პირის - თბილისის მარიონეტების პროფესიული სახელმწიფო თეატრის შექმნის შესახებ“; |
ბ)
ბრძანებულების პირველი პუნქტი ჩამოყალიბდეს შემდეგი რედაქციით:
„1. „თეატრ-სტუდიის რეზო გაბრიაძის ხელმძღვანელობით“ თეატრის სამართლებრივი სტატუსის განსაზღვრის მიზნით, „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, შეიქმნას საჯარო სამართლის იურიდიული პირი - თბილისის მარიონეტების პროფესიული სახელმწიფო თეატრი (შემდეგში - თეატრი).“; |
გ)
ბრძანებულების მე-2 პუნქტი ჩამოყალიბდეს შემდეგი რედაქციით:
„2. საქართველოს კულტურისა და ძეგლთა დაცვის სამინისტრომ: ა) უზრუნველყოს თეატრის დებულების დამტკიცება და წარმომადგენლობაზე უფლებამოსილი პირის დანიშვნა; ბ) განახორციელოს თეატრის სახელმწიფო კონტროლი.“. |
2.
ეს ბრძანებულება ამოქმედდეს გამოქვეყნებისთანავე. |
|