|
„შეზღუდულად ბრუნვადი მასალების წარმოების, ტრანსპორტირების, იმპორტის, ექსპორტის, რეექსპორტის ან ტრანზიტის ნებართვის გაცემის წესის შესახებ დებულებისა და შეზღუდულად ბრუნვადი მასალების სიის დამტკიცების თაობაზე“ საქართველოს მთავრობის 2006 წლის 28 სექტემბრის №184 დადგენილებაში ცვლილების შეტანის შესახებ
|
| მუხლი 1 |
„ნორმატიული აქტების შესახებ“ საქართველოს კანონის მე‑20 მუხლის მე‑4 პუნქტის შესაბამისად, „შეზღუდულად ბრუნვადი მასალების წარმოების, ტრანსპორტირების, იმპორტის, ექსპორტის, რეექსპორტის ან ტრანზიტის ნებართვის გაცემის წესის შესახებ დებულებისა და შეზღუდულად ბრუნვადი მასალების სიის დამტკიცების თაობაზე“ საქართველოს მთავრობის 2006 წლის 28 სექტემბრის №184 დადგენილებაში (სსმ, 2006 წელი, მუხლი 1854) შეტანილ იქნეს შემდეგი ცვლილება:
1. მე-3 პუნქტი ჩამოყალიბდეს შემდეგი რედაქციით: „3. დადგენილების ამოქმედება შეჩერდეს 2013 წლის 1 დეკემბრამდე.“. 2. დადგენილების მე-4 პუნქტი ამოღებულ იქნეს. |
| მუხლი 2 |
დაევალოს საქართველოს გარემოს დაცვის სამინისტროს, ამ დადგენილების ამოქმედებიდან ორი კვირის ვადაში, უზრუნველყოს შეზღუდულად ბრუნვადი მასალების ტრანსპორტირებასთან, იმპორტთან, ექსპორტთან, რეექსპორტთან და ტრანზიტთან დაკავშირებული სამართლებრივი საკითხების დარეგულირების მიზნით შესაბამისი უწყებათაშორისი კომისიის შექმნისა და მისი მუშაობის წესის შესახებ საქართველოს მთავრობის დადგენილების პროექტის მომზადება და დასამტკიცებლად წარდგენა. |
| მუხლი 3 |
დადგენილება ამოქმედდეს გამოქვეყნებისთანავე. |
|