შეტანილი იქნეს ცვლილება ლენტეხის მუნიციპალიტეტის საკრებულოს აპარატისა და მუნიციპალიტეტის გამგეობის საჯარო მოხელეთა დამატებითი საკვალიფიკაციო მოთხოვნების დამტკიცების შესახებ ლენტეხის მუნიციპალიტეტის საკრებულოს 2011 წლის 24 ივნისის №-31 (www.matsne.gov.ge 11.07.2011წ.) დადგენილებაში და დადგენილების მეექვსე მუხლი ჩამოყალიბდეს შემდეგი რედაქციით:
„მუხლი 6. სპეციალური საკვალიფიკაციო მოთხოვნები პროფესიული ცოდნისა და გამოცდილების სფეროში
-
საკრებულოს აპარატისა და გამგეობის საჯარო მოხელის თანამდებობის დასაკავებლად სავალდებულოა:
ა) გამგებლის, გამგებლის მოადგილის თანამდებობის დასაკავებლად - მაგისტრის აკადემიური ხარისხი და უფროს საჯარო თანამდებობაზე საქმიანობის 3-წლიანი გამოცდილება მაინც.
ბ) საკრებულოს აპარატის უფროსის, გამგეობის სამსახურის უფროსის, ტერიტორიული ორგანოს ხელმძღვანელის - თვითმმართველი ერთეულის რწმუნებულის თანამდებობის დასაკავებლად - მაგისტრის აკადემიური ხარისხი და საჯარო თანამდებობაზე საქმიანობის 3-წლიანი გამოცდილება მაინც.
გ) გამგეობის სამსახურის უფროსის მოადგილის, სამსახურის განყოფილების უფროსის, საკრებულოს აპარატის მთავარი სპეციალისტის, თვითმმართველი ერთეულის სამსახურის (ტერიტორიული ორგანოს) მთავარი სპეციალისტის თანამდებობის დასაკავებლად - წამყვანი სპეციალისტის, უფროსი სპეციალისტის ან სპეციალისტის საჯარო თანამდებობაზე საქმიანობის 1-წლიანი გამოცდილება მაინც.
|