„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „ტყით სარგებლობის ლიცენზიების გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №132 დადგენილებით (სსმ, 2005 წ., მუხ. 1066) დამტკიცებულ დებულებაში შეტანილ იქნეს შემდეგი ცვლილება:
1. 21მუხლის პირველი პუნქტი ჩამოყალიბდეს შემდეგი რედაქციით:
„1. ტყით სარგებლობის გენერალური ლიცენზიის, ხე-ტყის დამზადების სპეციალური ლიცენზიის (გარდა სამონადირეო მეურნეობის სპეციალური ლიცენზიისა) გაცემა ხდება სახელმწიფო ტყის ფონდის მხოლოდ იმ ფართობებზე, რომლებზეც საქართველოს კანონმდებლობის შესაბამისად 2013 წლის პირველი იანვრიდან განხორციელებულია ტყეთმოწყობა.“.
2. მე-9 მუხლის 21-ე პუნქტი ამოღებულ იქნეს.
|