„საქართველოს ეროვნული უშიშროების საბჭოს აპარატის დებულებისა და საშტატო განრიგის დამტკიცების შესახებ” საქართველოს პრეზიდენტის 2010 წლის 31 დეკემბრის №1095 ბრძანებულებაში ცვლილების შეტანის თაობაზე

საქართველოს პრეზიდენტის

ბრძანებულება №35

2013 წლის 28 იანვარი

ქ. თბილისი

1. „ნორმატიული აქტების შესახებ” საქართველოს კანონის მე-20 მუხლის შესაბამისად, „საქართველოს ეროვნული უშიშროების საბჭოს აპარატის დებულებისა და საშტატო განრიგის დამტკიცების შესახებ” საქართველოს პრეზიდენტის 2010 წლის 31 დეკემბრის №1095 ბრძანებულებაში (სსმ III, 2010 წ., №172, მუხ. 2528) შეტანილ იქნეს შემდეგი ცვლილებები და დამატება ბრძანებულების პირველი პუნქტით დამტკიცებული:

ა) საქართველოს ეროვნული უშიშროების საბჭოს აპარატის დებულების (დანართი №1) მე-3 მუხლის 3¹ პუნქტი ჩამოყალიბდეს შემდეგი რედაქციით:

„3¹. საქართველოს პრეზიდენტის თანაშემწეს ეროვნული უშიშროების საკითხებში – ეროვნული უშიშროების საბჭოს მდივანს ჰყავს ოთხი მოადგილე, რომლებსაც თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი, საქართველოს პრეზიდენტის თანაშემწის ეროვნული უშიშროების საკითხებში – ეროვნული უშიშროების საბჭოს მდივნის წარდგინებით.“;

ბ) საქართველოს ეროვნული უშიშროების საბჭოს აპარატის საშტატო განრიგის (დანართი №2):

ბ.ა) მე-2 გრაფა ჩამოყალიბდეს შემდეგი რედაქციით:

„2

საქართველოს ეროვნული უშიშროების საბჭოს მდივნის მოადგილე

2950“;

ბ.ბ) მე-5 გრაფას დაემატოს შემდეგი შინაარსის 5¹ გრაფა:

„5¹

დეპარტამენტის დირექტორის მოადგილე

1800“.

2. ეს ბრძანებულება ამოქმედდეს 2013 წლის 1 თებერვლიდან.

საქართველოს პრეზიდენტი მიხეილ სააკაშვილი