|
,,ნავთობპროდუქციის (საწვავის) კონსოლიდირებული ტენდერის ჩატარების წესისა და პირობების დამტკიცების თაობაზე“ სახელმწიფო შესყიდვების სააგენტოს თავმჯდომარის 2011 წლის 29 დეკემბრის №25 ბრძანებაში ცვლილებების შეტანის შესახებ
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:
|
| მუხლი 1 |
სახელმწიფო შესყიდვების სააგენტოს თავმჯდომარის 2011 წლის 29 დეკემბრის №25 ბრძანებით (ვებგვერდი, 03.01.2012) დამტკიცებული ,,ნავთობპროდუქციის (საწვავის) კონსოლიდირებული ტენდერის ჩატარების წესში და პირობებში“ შეტანილ იქნეს შემდეგი ცვლილებები:
მე-9 მუხლის: ა) პირველი პუნქტი ჩამოყალიბდეს შემდეგი რედაქციით: ,,1. ხელშეკრულება უნდა დაიდოს კონსოლიდირებული ტენდერის შედეგად გამოვლენილ გამარჯვებულ მიმწოდებელთან, გარდა ამ მუხლის მე-12 პუნქტით გათვალისწინებული შემთხვევისა. ხელშეკრულების მოქმედების ვადა არ უნდა აღემატებოდეს სატენდერო დოკუმენტაციით დადგენილი სატენდერო წინადადების მოქმედების ვადას.“.
ბ) მე-11 პუნქტის შემდეგ დაემატოს მე-12 პუნქტი შემდეგი რედაქციით: ,,12. სატენდერო კომისიის მიერ შესაბამისი სატენდერო დოკუმენტაციით გათვალისწინებულ გამონაკლის შემთხვევაში, ხელშეკრულება შესაძლებელია დაიდოს ასევე კონსოლიდირებულ ტენდერში მონაწილე სხვა მიმწოდებელთან, რომელიც აკმაყოფილებს კონსოლიდირებული ტენდერის სატენდერო განცხადებითა და სატენდერო დოკუმენტაციით დადგენილ მოთხოვნებს. ასეთ შემთხვევაში, აღნიშნული მიმწოდებლის მიმართ გამარჯვებული მიმწოდებლისათვის ამ წესითა და სატენდერო დოკუმენტაციით დადგენილი ვალდებულებების გავრცელების საკითხს განსაზღვრავს სატენდერო კომისია შესაბამისი კონსოლიდირებული ტენდერის სატენდერო დოკუმენტაციით.“. |
| მუხლი 2 |
ბრძანება ამოქმედდეს გამოქვეყნებისთანავე.
|
|