|
„სამოქალაქო სექტორისა და თავისუფალი მედიის განვითარების ხელშეწყობის მიზნით განსახორციელებელი ღონისძიებების შესახებ“ საქართველოს პრეზიდენტის 2012 წლის 17 დეკემბრის №1112 ბრძანებულებაში ცვლილების შეტანის თაობაზე
|
1.
„ნორმატიული აქტების შესახებ“ საქართველოს კანონის მე-20 მუხლის შესაბამისად, „სამოქალაქო სექტორისა და თავისუფალი მედიის განვითარების ხელშეწყობის მიზნით განსახორციელებელი ღონისძიებების შესახებ“ საქართველოს პრეზიდენტის 2012 წლის 17 დეკემბრის №1112 ბრძანებულებაში (სსმ, ვებგვერდი, 17/12/2012, 010240020.08.002.016707) შეტანილ იქნეს ცვლილება და დამატება და ბრძანებულების: |
ა)
მე-2 პუნქტით განსაზღვრული საკონკურსო კომისიის შემადგენლობიდან გამოყვანილ იქნეს ნატალია ყანჩელი; |
ბ)
მე-4 პუნქტის შემდეგ დაემატოს შემდეგი შინაარსის 41 პუნქტი:
„41. საკონკურსო კომისიის გადაწყვეტილებით შესაძლებელია შერჩეულ და საქართველოს პრეზიდენტისათვის დასამტკიცებლად წარდგენილ იქნეს ორი ან მეტი არასამეწარმეო (არაკომერციული) იურიდიული პირი, რომელთათვისაც ამ ბრძანებულების მე-4 პუნქტით გათვალისწინებული თანხის გადანაწილება მოხდება საკონკურსო კომისიის გადაწყვეტილების შესაბამისად.“. |
2.
ეს ბრძანებულება ამოქმედდეს გამოქვეყნებისთანავე. |
|