|
„საჯარო სამართლის იურიდიული პირის – „სმართ ლოჯიქის“ დებულების დამტკიცების შესახებ“ საქართველოს იუსტიციის მინისტრის 2012 წლის 28 თებერვლის №28 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
„საჯარო სამართლის იურიდიული პირის – „სმართ ლოჯიქის“ დებულების დამტკიცების შესახებ“ საქართველოს იუსტიციის მინისტრის 2012 წლის 28 თებერვლის №28 ბრძანებით (სსმ, ვებგვერდი, 28/02/2012, 040030000.22.027.016245) დამტკიცებული დებულების მე-5 მუხლში შეტანილ იქნეს შემდეგი ცვლილება: |
1.
მე-2 პუნქტი ჩამოყალიბდეს შემდეგი რედაქციით:
„2. „სმართ ლოჯიქის“ დირექტორს ჰყავს მოადგილე, რომელსაც თანამდებობაზე ნიშნავს და ათავისუფლებს „სმართ ლოჯიქის“ დირექტორი მინისტრთან შეთანხმებით.“. |
2.
დაემატოს შემდეგი შინაარსის მე-3 პუნქტი:
„3. „სმართ ლოჯიქის“ დირექტორის არყოფნის ან მის მიერ სამსახურებრივი უფლებამოსილების განხორციელების შეუძლებლობის შემთხვევაში დირექტორის მოვალეობას მინისტრის ბრძანების საფუძველზე ასრულებს „სმართ ლოჯიქის“ დირექტორის მოადგილე.“. |
| მუხლი 2 |
ეს ბრძანება ამოქმედდეს გამოქვეყნებისთანავე.
|
|