„სამეწარმეო საქმიანობის ლიცენზირების შესახებ“ საქართველოს კანონში დამატებისა და ცვლილებების შეტანის თაობაზე

„სამეწარმეო საქმიანობის ლიცენზირების შესახებ“ საქართველოს კანონში დამატებისა და ცვლილებების შეტანის თაობაზე

საქართველოს კანონი

„სამეწარმეო საქმიანობის ლიცენზირების შესახებ“ საქართველოს კანონში დამატებისა და ცვლილებების შეტანის თაობაზე

საქართველოს პარლამენტი ადგენს:

I. „სამეწარმეო საქმიანობის ლიცენზირების შესახებ“ საქართველოს კანონში (საქართველოს საკანონმდებლო მაცნე, №18 (25), 1999 წელი, მუხ. 70) შეტანილ იქნეს შემდეგი დამატება და ცვლილებები:

1. პირველი მუხლის მე-4 პუნქტს დაემატოს შემდეგი შინაარსის „ე“ ქვეპუნქტი:

„ე) სამოქალაქო ავიაციაში საჰაერო გადაყვანა-გადაზიდვის და საავიაციო სამუშაოების ლიცენზირებასთან დაკავშირებულ ურთიერთობებზე, რომელთაც არეგულირებს საქართველოს კანონი „სამოქალაქო საავიაციო საქმიანობის ლიცენზირების შესახებ“.“.

2. მე-4 მუხლის პირველი პუნქტის „დ“ ქვეპუნქტიდან ამოღებულ იქნეს სიტყვები „საჰაერო გადაზიდვა-გადაყვანა,“.

3. მე-15 მუხლის მე-2 პუნქტის „დ“ ქვეპუნქტი ამოღებულ იქნეს, ხოლო „ე“ და „ვ“ ქვეპუნქტები ჩაითვალოს შესაბამისად „დ“ და „ე“ ქვეპუნქტებად.

II. ეს კანონი ამოქმედდეს გამოქვეყნებისთანავე.

საქართველოს პრეზიდენტი            ე. შევარდნაძე

თბილისი,

2000 წლის 15 სექტემბერი.

№494–Iს