საქართველოს პრეზიდენტის
ბრძანებულება №712
2012 წლის 15 აგვისტო
ქ. თბილისი
„სტუდენტის პირადობის (ბინადრობის) მოწმობით სტუდენტური ფასდაკლების გამოყენების წესის დამტკიცების შესახებ“ საქართველოს პრეზიდენტის 2012 წლის 26 ივნისის № 507 ბრძანებულებაში ცვლილების შეტანის თაობაზე
1. „ნორმატიული აქტების შესახებ“ საქართველოს კანონის მე-20 მუხლის შესაბამისად, „სტუდენტის პირადობის (ბინადრობის) მოწმობით სტუდენტური ფასდაკლების გამოყენების წესის დამტკიცების შესახებ“ საქართველოს პრეზიდენტის 2012 წლის 26 ივნისის № 507 ბრძანებულებაში (სსმ, ვებგვერდი, 26/06/2012, 280120000.08.002.016532) შეტანილ იქნეს ცვლილებები და ბრძანებულების პირველი პუნქტით დამტკიცებული წესის:
ა) მე-2 მუხლის „ა“ და „ბ“ ქვე პუნქტები ჩამოყალიბდეს შემდეგი რედაქციით:
„ ა) სტუდენტი – ავტორიზებული უმაღლესი საგანმანათლებლო დაწესებულების სტუდენტ ი , რომელიც აკმაყოფილებს სტუდენტის სტატუსის შესახებ ინფორმაციის შემცველობით პირადობის (ბინადრობის) ელექტრონული მოწმობის გაცემისათვის კანონმდებლობით დადგენილ მოთხოვნებს ;
ბ) სტუდენტის პირადობის (ბინადრობის) მოწმობა – საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – სახელმწიფო სერვისების განვითარების სააგენტოს (შემდეგში – სახელმწიფო სერვისების განვითარების სააგენტო ) მიერ გაცემული სტუდენტის სტატუსის შესახებ ინფორმაციის შემცველი პირადობის (ბინადრობის) ელექტრონული მოწმობა;“ ;
ბ) მე-5 მუხლის მე-3 პუნქტი ჩამოყალიბდეს შემდეგი რედაქციით:
„3. საქართველოს განათლებისა და მეცნიერების სამინისტროს სისტემაში მოქმედი საჯარო სამართლის იურიდიული პირები – განათლების ხარისხის განვითარების ეროვნული ცენტრი და განათლების მართვის საინფორმაციო სისტემა ვალდებული არიან უზრუნველყონ სახელმწიფო სერვისების განვითარების სააგენტოსათვის საგანმანათლებლო დაწესებულებების რეესტრის ხელმისაწვდომობა .“;
გ) მე-6 მუხლი ჩამოყალიბდეს შემდეგი რედაქციით:
„ მუხლი 6. სახელმწიფო სერვისების განვითარები ს სააგენტოს ფუნქციები
სახელმწიფო სერვისების განვითარები ს სააგენტო ვალდებულია:
ა) კანონმდებლობით დადგენილი წესით უზრუნველყოს პირადობის (ბინადრობის) მოწმობასა და მის უკონტაქტო მიკროსქემაზე სტუდენტის სტატუსის შესახებ ინფორმაციის განთავსება;
ბ) დაამზადოს პირადობის (ბინადრობის) მოწმობები და უზრუნველყოს მათი სტუდენტებისათვის მიწოდება;
გ) ფასდაკლების პროგრამაში ჩაბმულ პირს გაუწიოს შესაბამისი კონსულტაცია სტუდენტის პირადობის (ბინადრობის) მოწმობის საფუძველზე ფასდაკლების გავრცელებასთან დაკავშირებულ ტექნიკურ საკითხებზე. “.
2. ეს ბრძანებულება ამოქმედდეს გამოქვეყნებისთანავე.
მ.სააკაშვილი