საქართველოს მთავრობის
დადგენილება №304
2012 წლის 26 ივლისი
ქ. თბილისი
„2012 წლის დიპლომისშემდგომი სამედიცინო განათლების პროგრამის დამტკიცების შესახებ“ საქართველოს მთავრობის 2012 წლის 18 ივნისის №221 დადგენილებაში ცვლილების შეტანის თაობაზე
მუხლი 1. „ ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „2012 წლის დიპლომისშემდგომი სამედიცინო განათლების პროგრამის დამტკიცების შესახებ“ საქართველოს მთავრობის 2012 წლის 18 ივნისის №221 დადგენილებაში (www. matsne. gov.ge , 20/06/2012 , სარეგისტრაციო კოდი – 470230000.10.003.016894) შეტანილ იქნეს ცვლილება და ამ დადგენილებით დამტკიცებული „ 2012 წლის დიპლომისშემდგომი სამედიცინო განათლების პროგრამის“ მე-5 მუხლი ჩამოყალიბდეს შემდეგი რედაქციით:
„მუხლი 5. მომსახურების შესყიდვა და პროგრამის განხორციელების მექანიზმები
1. პროგრამის განმახორციელებელია საქართველოს შრომის, ჯანმრთელობისა და სოციალური დაცვის სამინისტროს ცენტრალური აპარატი.
2. პროგრამის მე-3 მუხლის „ა“ და „ბ“ ქვეპუნქტებ ით (ერთიანი დიპლომისშემდგომი საკვალიფიკაციო გამოცდის ტესტ-კითხვარების გადამუშავება და ბაზის განახლება; სასერტიფიკაციო გამოცდების ტესტ-კითხვარების გადამუშავება და ბაზის განახლება) გათვალისწინებული მომსახურების შესყიდვა განხორციელდეს „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, ხოლო „გ“ ქვეპუნქტით გათვალისწინებული მომსახურებების შესყიდვა – „სახელმწიფო შესყიდვების შესახებ“ საქართველოს კანონის შესაბამისად.“.
მუხლი 2. დადგენილება ამოქმედდეს გამოქვეყნებისთანავე.
პრემიერ-მინისტრი ი . მერაბიშვილი