საქართველოს იუსტიციის მინისტრის
ბრძანება №115
2012 წლის 9 ივლისი
ქ. თბილისი
„საქართველოს იუსტიციის სამინისტროს მმართველობის სფეროში შემავალ საჯარო სამართლის იურიდიულ პირში – აღსრულების ეროვნულ ბიუროში სტაჟირების გავლის წესის დამტკიცების თაობაზე” საქართველოს იუსტიციის მინისტრის 2011 წლის 27 ოქტომბრის №141 ბრძანებაში ცვლილების შეტანის შესახებ
„ნორმატიული აქტების შესახებ“ საქართველოს კანონის მე- 20 მუხლის მე- 4 პუნქტის შესაბამისად, ვბრძანებ:
მუხლი 1. „საქართველოს იუსტიციის სამინისტროს მმართველობის სფეროში შემავალ საჯარო სამართლის იურიდიულ პირში – აღსრულების ეროვნულ ბიუროში სტაჟირების გავლის წესის დამტკიცების თაობაზე” საქართველოს იუსტიციის მინისტრის 2011 წლის 27 ოქტომბრის №141 ბრძანებით (სსმ, ვებგვერდი, 040030000.22.027.016208, 27.10.2011 ) დამტკიცებული წესის მე-18 მუხლს დაემატოს შემდეგი შინაარსის მე-7 პუნქტი:
„7. სტაჟირების გეგმის სრულყოფილად გასავლელად, აღსრულების ეროვნული ბიუროს თავმჯდომარის მიერ შეიძლება მიღებულ იქნეს გადაწყვეტილება სტაჟიორის მუდმივი სტაჟირების ადგილის ფარგლებს გარეთ მივლინების თაობაზე. სტაჟიორს სამივლინებო ხარჯები აუნაზღაურდება კანონმდებლობით დადგენილი წესით.“.
მუხლი 2. ეს ბრძანება ამოქმედდეს გამოქვეყნებისთანავე.
ზ. ადეიშვილი