ჩოხატაურის მუნიციპალიტეტის ტერიტორიაზე სამშენებლო სამუშაოების მშენებლობის ნებართვით დადგენილ ვადაში დაუსრულებლობისთვის ჯარიმის ოდენობის განსაზღვრის თაობაზე

ჩოხატაურის მუნიციპალიტეტის საკრებულო ს

დადგენილება № 27

201 2 წლის 25 მაისი

დ. ჩოხატაური

,,ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის ,,ლ“ ქვეპუნქტის, 22-ე მუხლის პირველი პუნქტის ,,ძ“ ქვეპუნქტისა და ,,პროდუქტის უსაფრთხოებისა და თავისუფალი მიმოქცევის კოდექსის“ 46-ე მუხლის შესაბამისად საკრებულო ადგენს:

ჩოხატაურის მუნიციპალიტეტის საკრებულოს 2012 წლის 24 ივლისის დადგენილება №39 - ვებგვერდი, 30.07.2012წ.

მუხლი 1.

სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობისთვის, პასუხისმგებლობის ზომად განისაზღვროს ჯარიმა, ყოველ ვადაგადაცილებულ დღეზე შემოწმების აქტის შედგენის დღისათვის არსებული სამშენებლო პროექტით გათვალისწინებული ასაშენებელი შენობა-ნაგებობების საერთო ფართობის თითოეულ კვადრატულ მეტრზე:

ა) მუნიციპალიტეტის დაბის ადმინისტრაციული ერთეულის ტერიტორიაზე – 0,15 ლარის ოდენობით;

ბ) მუნიციპალიტეტის ადმინისტრაციული ერთეულების ტერიტორიაზე – 0,1 ლარის ოდენობით;

გ) კურორტ ბახმაროს ტერიტორიაზე 0,2 ლარის ოდენობით.

მუხლი 2.

დადგენილება არ ვრცელდება დაბის და მუნიციპალიტეტის ტერიტორიული ორგანოების კერძო საკარმიდამო ტერიტორიაზე მშენებარე საცხოვრებელ შენობებზე.

მუხლი 3.

დადგენილება ამოქმედდეს გამოქვეყნებისთანავე.

საკრებულოს თავმჯდომარე

ა . ხუნდაძე

შეტანილი ცვლილებები:

1. ჩოხატაურის მუნიციპალიტეტის საკრებულოს 2012 წლის 24 ივლისის დადგენილება №39 - ვებგვერდი, 30.07.2012წ.