სამედიცინო სტატისტიკური ინფორმაციის წარმოების და მიწოდების წესის შესახებ

საქართველოს შრომის, ჯანმრთელობისა და სოციალური დაცვის მინისტრის

ბრძანება №01-27 /ნ

2012 წლის 23 მაისი

ქ. თბილისი

„ ჯანმრთელობის დაცვის შესახებ “ საქართველოს კანონის მე -20, 43- ე , 45- ე და 55- ე მუხლების , „ ოფიციალური სტატისტიკის შესახებ “ საქართველოს კანონის მე -16 და 25-ე მუხლებისა და „საქართველოს ზოგადი ადმინისტრაციული კოდექსის“ 61-ე მუხლის შესაბამისად, ვბრძანებ:

1. სამედიცინო სტატისტიკაში ერთიანი ინფორმაციული სისტემის შექმნისა და შემდგომი სრულყოფის მიზნით, დამტკიცდეს:

ა ) სამედიცინო ( მ . შ . სამეცნიერო - კვლევითი ) დაწესებულებების და რაიონული ( ქალაქის ) საზოგადოებრივი ჯანდაცვის ცენტრების მიერ წარსადგენი უწყებრივი სტატისტიკური დაკვირვების წლიური ფორმების ჩამონათვალი ( დანართი №1), ფორმები ( დანართი №2) და მათი წარდგენის ვადები და წესი ( დანართი №3);

ბ) სამედიცინო (მ.შ. სამეცნიერო-კვლევითი) დაწესებულებების და რაიონული (ქალაქის) საზოგადოებრივი ჯანდაცვის ცენტრების მიერ წარსადგენი უწყებრივი სტატისტიკური დაკვირვების კვარტალური, ყოველთვიური და ოპერატიულ-ელექტრონული ფორმების ჩამონათვალი (დანართი №4), ფორმები (დანართი №5) და მათი წარდგენის ვადები და წესი (დანართი №6);

გ) საქართველოში გადამდებ დაავადებათა ეპიდზედამხედველობის და კონტროლის სააღრიცხვო და შეტყობინების ფორმები, მათი წარმოების და ანალიზის წესი და წარდგენის ვადები (დანართი № 7) ;

დ) ონკოლოგიური სერვისების მიმწოდებელი დაწესებულებების და პათოლოგიურ-ანატომიური ლაბორატორიების/ ცენტრების მიერ წარსადგენი კიბოს რეგისტრის ფორმები (დანართი №8) და ონკოლოგიური სერვისების მიმწოდებელი დაწესებულებების და პათოლოგიურ-ანატომიური ლაბორატორიების/ცენტრების მიერ წარსადგენი კიბოს რეგისტრის ფორმების წარმოების წესი და ვადები (დანართი №9).

საქართველოს შრომის, ჯანმრთელობისა და სოციალური დაცვის მინისტრის 2014 წლის 27 თებერვლის ბრძანება №01-1 4 /ნ - ვებგვერდი, 2 8 .02.2014წ.

საქართველოს შრომის, ჯანმრთელობისა და სოციალური დაცვის მინისტრის 2014 წლის 7 ოქტომბრ ის ბრძანება №01 - 72 /ნ - ვებგვერდი, 0 7. 10 .2014წ.

2. სამედიცინო ( მ . შ . სამეცნიერო - კვლევითი ) დაწესებულებათა ხელმძღვანელებმა , განურჩევლად მათი საკუთრების ფორმისა და საზოგადოებრივი ჯანდაცვის რაიონულმა ( ქალაქის ) ცენტრებმა უზრუნველყონ :

ა) დაწესებულებების საქმიანობის შესაბამისი სტატისტიკური ინფორმაციის შეგროვება და წარდგენა საქართველოს შრომის, ჯანმრთელობისა და სოციალური დაცვის სამინისტროს (შემდგომში - სამინისტრო) სახელმწიფო კონტროლს დაქვემდებარებული საჯარო სამართლის იურიდიული პირის - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრისათვის (შემდგომში - ცენტრი), სამედიცინო დაწესებულებების მიერ წარსადგენი უწყებრივი სტატისტიკური დაკვირვების ანგარიშების თანდართული ჩამონათვალის, ფორმებისა და ვადების მიხედვით (დანართები №1; N2; №3; №4; №5; №6; №8 და №9);

ბ) ცენტრში დადგენილ ვადებში უწყებრივი სტატისტიკური დაკვირვების ანგარიშების ჩასაბარებლად პასუხისმგებელ პირთა მივლინება.

2¹. სამედიცინო ( მ . შ . სამეცნიერო - კვლევითი ) დაწესებულებათა ხელმძღვანელებმა უზრუნველყონ სტატისტიკური ფორმების შევსებაზე უფლებამოსილი პირის / პირების განსაზღვრა და სტატისტიკური ანგარიშების მაქსიმალური სიზუსტით წარმოებაზე კონტროლის განხორციელება .

3. ცენტრი უზრუნველყოფს :

ა ) სამინისტროსა და სსიპ - საქართველოს სტატისტიკის ეროვნულ სამსახურში ( საქსტატი ) ნაერთი ანგარიშების წარდგენას დადგენილი წესის და ვადების მიხედვით ;

ბ) სამედიცინო დაწესებულებებში სტატისტიკურ ანგარიშგებაზე პასუხისმგებელ პირთა კონსულტირებას და სათანადო მომზადებას მოთხოვნის შემთხვევაში.

4. ძალადაკარგულად გამოცხადდეს „სამედიცინო სტატისტიკური ინფორმაციის წარმოების და მიწოდების წესის შესახებ“ საქართველოს შრომის, ჯანმრთელობისა და სოციალური დაცვის მინისტრის 2005 წლის 5 აპრილის № 101/ნ ბრძანება.

5. ბრძანება ამოქმედდეს გამოქვეყნებისთანავე.

ზ. ჭიაბერაშვილი

შეტანილი ცვლილებები:

1. საქართველოს შრომის, ჯანმრთელობისა და სოციალური დაცვის მინისტრის 2014 წლის 27 თებერვლის ბრძანება №01-1 4 /ნ - ვებგვერდი, 2 8 .02.2014წ.

2. საქართველოს შრომის, ჯანმრთელობისა და სოციალური დაცვის მინისტრის 2014 წლის 7 ოქტომბრის ბრძანება №01-72/ნ - ვებგვერდი, 07.10.2014წ.

3. საქართველოს შრომის, ჯანმრთელობისა და სოციალური დაცვის მინისტრის 2014 წლის 3 დეკემბრის ბრძანება №01-82/ნ - ვებგვერდი, 03.12.2014წ.

4. ძალადაკარგულია - საქართველოს შრომის, ჯანმრთელობისა და სოციალური დაცვის მინისტრის 201 6 წლის 1 8 იანვრის ბრძანება № 01- 2 / ნ - ვებგვერდი, 20 . 01 .201 6 წ.