საქართველოს პრეზიდენტის
ბრძანებულება №279
2012 წლის 4 აპრილი
ქ. თბილისი
საჯარო სამართლის იურიდიული პირის – საერთაშორისო თანამშრომლობის საქართველოს სააგენტოს შექმნის შესახებ
1. ,,საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის ,,ბ“ ქვეპუნქტის შესაბამისად, უცხოეთში ქართული კულტურის, ხელოვნების, ისტორიის, პროდუქციის, სამზარეულოსა და ტრადიციების გაცნობით საქართველოს პოპულარიზაციის მიზნით, შეიქმნას საჯარო სამართლის იურიდიული პირი – საერთაშორისო თანამშრომლობის საქართველოს სააგენტო (შემდეგში – სააგენტო).
2. სააგენტოს ინგლისურენოვანი სახელწოდებაა – Georgian Agency for International Cooperation (GAIC).
21. დიასპორის საკითხებში საქართველოს სახელმწიფო მინისტრმა (სახელმწიფო მინისტრის აპარატი):
ა) განახორციელოს სააგენტოს სახელმწიფო კონტროლი;
ბ) უზრუნველყოს სააგ ე ნტოს უფროსის თანამდებობაზე დანიშვნა და თანამდებობიდან გათავისუფლება;
გ) უზრუნვ ე ლყოს სააგენტოს საშტატო ნუსხისა და სახელფასო ფონდის შეთანხმება.
საქართველოს პრეზიდენტის 2012 წლის 7 აგვისტოს ბრძანებულება №679 – ვებგვერდი, 08.08.2012წ.
3. საქართველოს მთავრობამ კანონმდებლობით დადგენილი წესით უზრუნველყოს:
ა) სააგენტოს დებულების დამტკიცება;
ბ) სააგენტოს განსათავსებ ლად საჭირო ღონისძიებების განხორციელება;
გ) (ამოღებულია – 07.08.2012, №679).
საქართველოს პრეზიდენტის 2012 წლის 7 აგვისტოს ბრძანებულება №679 – ვებგვერდი, 08.08.2012წ.
4. (ამოღებულია – 07.08.2012, №679).
საქართველოს პრეზიდენტის 2012 წლის 7 აგვისტოს ბრძანებულება №679 – ვებგვერდი, 08.08.2012წ.
5 . ეს ბრძანებულება ამოქმედდეს გამოქვეყნებისთანავე.
მ. სააკაშვილი
შეტანილი ცვლილებები:
1. საქართველოს პრეზიდენტის 2012 წლის 7 აგვისტოს ბრძანებულება №679 – ვებგვერდი, 08.08.2012წ.
2. ძალადაკარგულია – საქართველოს პრეზიდენტის 2012 წლის 13 სექტემბრის ბრძანებულება №817-ვებგვერდი,14.09.2012წ.