ხარაგაულის მუნიციპალიტეტის საკრებულოს
დადგენილება №11
2012 წლის 19 მარტი
დ. ხარაგაული
ხარაგაულის მუნიციპალიტეტის საკრებულოს 2010 წლის 2 აგვისტოს №17 დადგენილებაში „ხარაგაულის მუნიციპალიტეტის გამგეობის დებულების დამტ კიცების შესახებ“ ცვლილების შეტანის თაობაზე
„ნორმატიული აქტების შესახებ“ საქართველოს კანონის მე- 20 მუხლის შესაბამისად „ხარაგაულის მუნიციპალიტეტის გამგეობის დებულების დამტ კიცების შესახებ“ ხარაგაულის მუნიციპალიტეტის საკრებულოს 2010 წლის 2 აგვისტოს №17 დადგენილებაში“ (საკანონმდებლო მაცნე №14, 2010 წლის 19 აგვისტო, მუხლი 348) შეტანილ იქნეს შემდეგი ცვლილება:
ხარაგაულის მუნიციპალიტეტის საკრებულო ადგენს:
მუხლი 1. შეტანილ იქნეს ცვლილება ხარაგაულის მუნიციპალიტეტის საკრებულოს 2010 წლის 2 აგვისტოს №17 დადგენილებაში „ხარაგაულის მუნიციპალიტეტის გამგეობის დებულების დამკიცების შესახებ“
1. შეტანილ იქნეს ცვლილება დადგენილებით დამტკიცებული №1 დანართის მე-9 მუხლის პირველ პუნქტში და ჩამოყალიბდეს შემდეგი რედაქციით:
„9. გამგებელს ჰყავს სამი მოადგილე, რომელსაც თანამდებობაზე ნიშნავს და თანამდებობიდან ათავისუფლებს გამგებე ლი“.
2. დადგენილებით დამტკიცებული №1 დანართის მე-12 მუხლის მე-2 პუნქტს დაემატოს „თ“ ქვეპუნქტი:
„თ) სოფლის მეურნეობის სამსახური“.
3. შეტანილ იქნეს ცვლილება დადგენილებით დამტკიცებული №1 დანართის მე-13 მუხლის მე- 3
პუნქტში და ჩამოყალიბდეს შემდეგი რედაქციით:
„3. ეკონომიკისა და ინფრასტრუქტურის განვითარების სამსახურის ძირითადი ფუნქციებია: ადგილობრივი გადასახადებისა და მოსაკრებლების შემოღების, მუნიციპალიტეტის სივრცით- ტერიტორიული დაგეგმვის, მშენებლობის ნებართვების თაობაზე გადაწყვეტილებების მომზადება, ქალაქთ მშენებლობის დოკუმენტების შემუშავება, მშენებლობაზე და არქიტექტურულ საქმიანობაზე ზედამხედველობის უზრუნველყოფა, მუნიციპალიტეტის ეკონომიკური განვითარების მუნიციპალური პროგრამების შემუშავება და განხორციელება, სათანადო სტატისტიკური ინფორმაციის შეგროვება- დამუშავება და მუნიციპალიტეტის ქონების მართვის უზრუნველყოფა. ბუნებრივი რესურსებით სარგებლობის, გარემოს დაცვის და მიწის მართვის ორგანიზება და კონტროლი, მუნიციპალიტეტის ტერიტორიაზე კეთილმოწყობის სამუშაოთა დაგეგმვისა და ინფრასტრუქტურული პროექტების მომზადება- განხორციელება და შესაბამისი ადგილობრივი შესყიდვების განხორციელებისათვის წინადადებების მომზადების უზრუნველყოფა. მუნიციპალიტეტის ტერიტორიაზე ტურიზმის განვითარების ხელშეწყობა“.
4. დადგენილებით დამტკიცებული №1 დანართის მე- 13 მუხლს დაემატოს მე- 8 პუნქტი და ჩამოყალიბდეს შემდეგი რედაქციით:
„8. სოფლის მეურნეობის სამსახურის ძირითადი ფუნქციებია:
მუნიციპალიტეტის ტერიტორიაზე მოქმედი, დაინტერესებული ფიზიკური და იურიდიული პირებისათვის სასოფლო-სამეურნეო კულტურების წარმოების ტექნოლოგიების შესახებ ინფორმაციის მომზადება და მიწოდება, ამ მიზნით კომპეტენტურ ინსტიტუტებთან და სპეციალისტებთან თანამშრომლობა. საქართველოს მთავრობის და საერთაშორისო ორგანიზაციების მიერ დაგეგმილი სოფლის მეურნეობის განვითარების პროექტების განხორციელების ხელშეწყობა“ .
მუხლი 2. დადგენილება ამოქმედდეს გამოქვეყნებისთანავე.
საკრებულოს თავმჯდომარე ა. მაჭავარიანი