ხობის მუნიციპალიტეტის საკრებულოს
დადგენილება №6
2012 წლის 7 თებერვალი
ქ. ხობი
„ხობის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ ხობის მუნიციპალიტეტის საკრებულოს 2012 წლის 9 იანვრის №2 დადგენილებაში ცვლილების შეტანის თაობაზე
„ადგილობრივი თვითმმართველობის შესახებ“ საქართველოს ორგანული კანონისა და „ნორმატიული აქტების შესახებ“ საქართველოს კანონის შესაბამისად, ხობის მუნიციპალიტეტის საკრებულო ადგენს:
1. „ხობის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ ხობის მუნიციპალიტეტის საკრებულოს 2012 წლის 9 იანვრის №2 დადგენილებაში („საქართველოს საკანონმდებლო მაცნე“, ვებგვერდი, 16.01.2012 წ., სახელმწიფო სარეგისტრაციო კოდი: 010260020.35.106.016051) შეტანილ იქნეს ცვლილება და დადგენილებით დამტკიცებული „ხობის მუნიციპალიტეტის გამგეობის ადმინისტრაციული სამსახურის დებულების“:
ა) მე-3 მუხლის „თ“ ქვეპუნქტი ჩამოყალიბდეს შემდეგი რედაქციით:
„თ) საკონსულტაციო-სამართლებრივი დახმარება გაუწიოს გამგეობის საჯარო მოსამსახურეებს;“;
ბ) მე-3 მუხლის „კ“ და „ლ“ქვეპუნქტები ჩამოყალიბდეს შემდეგი რედაქციით:
„კ) უზრუნველყოს გამგეობის ურთიერთობა სახელმწიფო, ადგილობრივ და კერძო დაწესებულებებთან;
ლ) შეისწავლოს და გააანალიზოს მუნიციპალიტეტში შემავალ თვითმმართველი ერთეულის ტერიტორიულ ორგანოთა მუშაობის საკითხები;“;
გ) მე-3 მუხლის „ჟ“ ქვეპუნქტი ჩამოყალიბდეს შემდეგი რედაქციით:
„ჟ) განახორციელოს გამგეობის სტრუქტურული ერთეულებისა და თვითმმართველი ერთეულის ტერიტორიული ორგანოების მატერიალურ-ტექნიკური უზრუნველყოფა;“;
დ) მე-5 მუხლის „ა“ ქვეპუნქტი ჩამოყალიბდეს შემდეგი რედაქციით:
„ა) უზრუნველყოფს გამგებლის, გამგეობის სტრუქტურული ერთეულებისა და თვითმმართველი ერთეულის ტერიტორიული ორგანოების იურიდიულ კონსულტირებას, სამართლებრივი დასკვნების მომზადებას;“;
ე) მე-6 მუხლის „გ“ ქვეპუნქტი ჩამოყალიბდეს შემდეგი რედაქციით:
„გ) უზრუნველყოფს გამგეობის საჯარო მოსამსახურეთა სამუშაოზე მიღების, სამუშაოდან გათავისუფლების, შვებულებაზე გასვლის, სამივლინებო, საპენსიო და სხვა დოკუმენტების გაფორმებას;“.
2. დადგენილება ძალაში შევიდეს გამოქვეყნებისთანავე.
საკრებულოს თავმჯდომარე მ. ჭოხონელიძე