საქართველოს განათლებისა და მეცნიერების მინისტრის
ბრძანება №18/ნ
2012 წლის 26 იანვარი
ქ. თბილისი
,,საქართველოს განათლებისა და მეცნიერების სამინისტროს ტერიტორიული ორგანოების საგანმანათლებლო რესურს-ცენტრების ტიპური დებულების დამტკიცების შესახებ” საქართველოს განათლებისა და მეცნიერების მინისტრის 2006 წლის 17 იანვრის №31 ბრძანებაში ცვლილების შეტანის შესახებ
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:
მუხლი 1. ,,საქართველოს განათლებისა და მეცნიერების სამინისტროს ტერიტორიული ორგანოების საგანმანათლებლო რესურს-ცენტრების ტიპური დებულების დამტკიცების შესახებ” საქართველოს განათლებისა და მეცნიერების მინისტრის 2006 წლის 17 იანვრის №31 ბრძანებით (სსმ III, 23.01.2006 წ., №8, მუხ. 78) დამტკიცებულ საგანმანათლებლო რესურს-ცენტრების ტიპურ დებულებაში შეტანილ იქნეს ცვლილება და დებულების მე-3 მუხლის მე-4 პუნქტს დაემატოს შემდეგი შინაარსის ,,გ1” ქვეპუნქტი:
,,გ1) საქართველოს განათლებისა და მეცნიერების მინისტრს შესათანხმებლად წარუდგენს სახელმწიფო დაფინანსების ფარგლებში, რესურს-ცენტრში დასასაქმებელ შტატგარეშე მოსამსახურეთა თანამდებობების დასახელებასა და რაოდენობას”.
მუხლი 2. ბრძანება ამოქმედდეს გამოქვეყნებისთანავე.
დ. შაშკინი