სპეციალური სავაჭრო ზონის ფუნქციონირების წესის შესახებ

სპეციალური სავაჭრო ზონის ფუნქციონირების წესის შესახებ

საქართველოს მთავრობის

დადგენილება № 493

2011 წლის 27 დეკემბერი

ქ. თბილისი

სპეციალური სავაჭრო ზონის ფუნქციონირების წესის შესახებ

მუხლი 1 . საქართველოს საგადასახადო კოდექსის 26 -ე მუხლის მე -7 ნაწილის საფუძველზე , დამტკიცდეს თანდართული „სპეციალური სავაჭ­რო ზონის ფუნქ­ციონირების წესი“.

მუხლი 2 . დადგენილება ამოქმედდეს 2012 წლის 1 იანვრიდან.

    პრემიერ - მინისტრი                                                                                              ნ . გილაური

სპეციალური სავაჭრო ზონის ფუნქციონირების წესი

    მუხლი 1 . ზოგადი დებულებანი

1. სპეციალური სავაჭ­რო ზონის ფუნქ­ციონირების წესი (შემდგომში – წესი) განსაზღვრავს იურიდიული პირის საკუთრე­ბა­ში/მფლო­ბელობაში არსებული ბაზრის ან/და შენობა - ნაგებობის ტერიტორიაზე სპე­ციალური სავაჭრო ზონის ( შემდგომში – სსზ) ფუნქციონირების პრინ­ცი­პებს .

2 . სსზ- ის სტატუსი , საკუთარი ან საქართველოს მთავრობის ინი ცია­ ტივით, შეიძლება მიენიჭოს იურიდიულ პირს , რომელიც საქართველოში ეწევა ვაჭრობის ორგანიზებას .

3 . სსზ- ისათვის განკუთვნილი ტერიტორია უნდა წარმოადგენდეს ერთიანი კონტურის მქონე შენობა - ნაგებობების ან/და მიწის ფართობების ერთობლიობას .

4 . სსზ- ების ერთიან შიდასაუწყებო რეესტრს აწარმოებს საქართ­ველოს ფინანსთა სამინისტროს მმართველობის სფეროში შემავალი საჯა­რო სამართლის იურიდიული პირი – შემოსავლების სამსახური ( შემდგომ­ში – შემოსავლების სამსახური ).

5. 2012 წლის 1 იანვრიდან ბაზრობის ორგანიზება (გარდა სასოფლო‑სამეურნეო პროდუქციით ვაჭრობის ორგანიზებისა) დასაშვებია მხოლოდ სსზ‑ის სტატუსის მქონე პირის მიერ, ხოლო პირი, რომელიც ბაზრობის ორგანიზებას ახორციელებს 2012  წლის 1 იანვრამდე, ვალდებულია მიიღოს სსზ‑ის სტატუსი და 2014 წლის 1 იანვრიდან ვაჭრობის ორგანიზება (გარდა სასოფლო‑სამეურნეო პროდუქციით ვაჭრობის ორგანიზებისა) განახორციელოს ამ წესით. აღნიშნული ვადის (2014 წლის 1 იანვარი) გაგრძელება შესაძლებელია საქართველოს მთავრობის გადაწყვეტილებით.

საქართველოს მთავრობის 2012 წლის 14 თებერვლის დადგენილება №47 - ვებგვერდი, 17 . 02.201 2წ.

    მუხლი 2. სსზ‑ის სტატუსის მინიჭება

1. სსზ-ის სტატუსის მიღების მიზნით დაინტერესებული იურიდი­ული პირი განცხადებით მიმართავს შემოსავლების სამსახურს .

2. განცხადება უნდა შეიცავდეს საწარმოს საფირმო სახელწოდებას , საგადასახადო რეგისტრაციის მონაცემებს და მას უნდა ერთოდეს :

ა ) პირის საკუთრებაში/მფლობელობაში არსებული ბაზრის ან/და შე­ნო­ბა - ნა­გებობის ტერიტორიის ( შემდგომში – სსზ- ის ტერიტორია ), საკუთ­რების უფლების დამადასტურებელი საჯარო რეესტრის ამონაწერი ან/და სარგებლობის დამადასტურებელი დოკუმენტი და ამ ტერიტორიის საკა­დასტრო რუკა;

ბ ) თანასაკუთრების შემთხვევაში – თანამესაკუთრეთა ნოტარიულად დამოწმებული თანხმობა , ხოლო სსზ- ის ტერიტორიის იჯარის ან/და სხვა სახელშეკრულებო უფლებით სარგებლობის შემთხვევაში – ტერიტორიის მესაკუთრის ნოტარიულად დამოწმებული თანხმობა მის საკუთრებაში არ­სებულ ტერიტორიაზე სსზ- ის შექმნის შესახებ;

გ ) სსზ- ის მოწყობის სიტუაციური გეგმა ( ნახაზი ).

3. შემოსავლების სამსახური ვალდებულია :

ა ) განიხილოს განცხადება სსზ- ის სტატუსის მინიჭების თაობაზე;

ბ ) დოკუმენტაციის საქართველოს კანონმდებლობით დადგენილ მოთ­ხოვ­ნებთან შეუსაბამობის და ხარვეზების შესახებ აცნობოს განმც­ხა­დებელს;

გ ) დოკუმენტაციის საქართველოს კანონმდებლობით დადგენილ მოთ­ხოვნებთან შესაბამისობის შემთხვევაში მოამზადოს დასკვნა იური­დიული პირისათვის სსზ- ის სტატუსის მინიჭების მიზანშეწონილობის თაო­ბაზე და თანდართულ მასალებთან ერთად წარუდგინოს საქართ­ველოს ფინანსთა მინისტრს საქართველოს მთავრობისათვის წარსადგე­ნად .

4 . საქართველოს მთავრობა გამოსცემს განკარგულებას პირისათვის სსზ- ის სტატუსის მინიჭების შესახებ და ადგენს ვადას , რომელშიც პირმა უნდა უზრუნველყოს სსზ- ის ამ წესით გათვალისწინებულ მოთ­ხოვნებ­თან შესაბამისობაში მოყვანა .

  5 . საქართველოს მთავრობის განკარგულებაში მითითებულ ვადაში სსზ- ის სტატუსის მქონე პირის მიერ ამ წესით გათვალისწინებული მოთ­ხოვნების შესრულების კონტროლს ახორციელებს შემოსავლების სამსა­ხური , რომელიც ამ პირობების შესრულების შემთხვევაში გასცემს სსზ- ის სტატუსის დამადასტურებელ სერტიფიკატს.

  6 . სერტ იფიკატში მითითებული უნდა იყოს თარიღი , რომლიდანაც პირი ვალდებულია ფუნქციონირება და საგადასახადო ვალდებულების შესრუ­ლება განახორციელოს საგადასახადო კანონმდებლობით სსზ- ის სტა­ტუსის მქონე პირისათვის დადგენილი წესით .

7 . საქართველოს მთავრობა უფლებამოსილია, სსზ- ის მოწ­ყობის კა­ნონ­მდებლობასთან შესაბამისობის უზრუნველყოფის მიზნით, პირს მო­ს­თხო­ვოს უზრუნველყოფის საშუალებების ( საბანკო გარანტია და სხვა ) წა­რ­დგენა და განსაზღვროს მისი ოდენობა .

    მუხლი 3. სსზ-ის ტერიტორიული მოწყობის მოთხოვნები

1. სსზ უნდა იყოს შემოსაზღვრული . მასში უნდა განისაზღვროს შე­სა­ს­ვლელი და გამოსასვლელი ადგილები ისე , რომ თავიდან იქნეს აცი­ლებული სავაჭრო ზონაში აღურიცხველი საქონლის მოძრაობა .

2. სსზ უნდა შედგებოდეს :

ა) სსზ-ის საწყობისაგან , რომელშიც მოთავსდება ყველა სახის სა­ქონელი . სსზ-ის საწყობს უნდა ჰქონდეს ერთი შესასვლელი , საიდანაც მოხდება ტვირთების შეტანა, და ერთი გასასვლელი , საიდანაც ტვირთი მოხვდება სავაჭრო ტერიტორიაზე . სავაჭრო ტერიტორიაზე მოხვედრის გარეშე საწყობიდან საქონლის საბითუმო მიწოდებისათვის დამატებით შესაძლებელია მოეწყოს ერთი გასას ვლელი;

ბ ) სავაჭრო ტერიტორიისაგან , რომელიც უნდა დაიყოს მოლებად (სეგმენტებად ) საქონლის სახეობების მიხედვით , სადაც განლაგებული იქ­ნება სავაჭრო ობიექტები (მაღაზია ან/და დახლი );

გ) ცენტრალიზებულად მართული სალარო პუნქტებისაგან , სადაც განხორციელდება მომხმარებელთან ანგარიშსწორება როგორც ნაღდი , ისე უნაღდო ფორმით .

3. სსზ-ის ტერიტორიაზე ორგანიზატორს უფლება აქვს, მოაწყოს საქართველოს საბაჟო კოდექსით გათვალისწინებული საბაჟო საწყობი (შემდგომში – საწყობი), რომელიც წარმოადგენს საბაჟო კო­ნ­ტ­როლის ზონას.

საქართველოს მთავრობის 2019 წლის 4 სექტემბრის დადგენილება №431 – ვებგვერდი, 06.09.2019წ.   

    მუხლი 4. სსზ-ის სტატუსის მქონე პირის ვალდებულებები

1. სსზ-ის მართვას ახორციელებს სსზ-ის სტატუსის მქონე პირი .

2 . სსზ-ის სტატუსის მქონე პირი ვალდებულია :

ა ) უზრუნველყოს სავაჭრო ტერიტორიაზე ეკონომიკური საქმიანო­ბისათვის განკუთვნილი საქონლის მოძრაობის აღრიცხვისათვის შესა­ბა­მისი ინფრასტრუქტურის მოწყობა;

ბ ) სსზ- ის ტერიტორიაზე მოაწყოს სსზ- ის საწყობი , სადაც განხორ­ციელდება შესული საქონლის აღრიცხვა რაოდენობისა და სახეობის მი­ხედვით , აგრეთვე ამ საქონლის მესაკუთრეთა იდენტიფიცირება;

გ ) სსზ- ის საწყობში განახორციელოს თითოეული საქონლის დამცავი საშუალებით ნიშანდება , რომლის მოხსნა/ნეიტრალიზაცია განხორციელ­დება რეალიზებულ საქონელზე ცენტრ ალიზებულ სალაროში თანხის გადახდისას;

დ ) უზრუნველყოს სსზ- ში უსაფრთხოების ნორმების დაცვა;

ე ) უზრუნველყოს სსზ- ში სანიტარიული მდგომარეობის დაცვა , წყალ­მომარაგება და საკანალიზაციო სისტემა;

ვ ) სსზ- ის ტერიტორიაზე საქმიანობის განმახორციელებელ პირს ( გარდა ამ წესის მე - 5 მუხლის მე - 3 პუნქტით გათვალისწინებული პირისა ) გადახდის წყაროსთან დაუკავოს საქონლის რეალიზაციიდან მიღებული კომპენსაციის ( დღგ - ის გადამხდელის შემთხვევაში – დღგ - ის გარეშე ) 3 პროცენტი;

ზ ) მომსახურე ბანკის მეშვეობით უზრუნველყოს სალაროში და სა­ბანკო ანგარიშზე მობილიზებული თანხების გადარიცხვა მოვაჭრეთა სა­ბანკო ანგარიშებზე :

ზ . ა ) ამ წესის მე - 5 მუხლის მე - 3 პუნქტით გათვალისწინებული პი­რებ ისა თვის – მათი კუთვნილი თანხა;

ზ . ბ ) სხვა პირებისათვის – ამ პუნქტის „ვ“ ქვეპუნქტის შესაბამისად დაკავებული თანხის შემდეგ დარჩენილი თანხა;

თ ) იმ შემთხვევაში , თუ საქონლის რეალიზაცია განხორციელდა საკომპენსაციო თანხის ადგილზე ( სავაჭრო ზონის სალაროში ) გადახდის გარეშე ( გარდა ამ წესის მე - 5 მუხლის მე - 3 პუნქტით გათვალისწინებული პირებისა ) , ორგანიზატორი ვალდებულია არა უგვიანეს საქონლის მიწო­დების მე - 2 დღისა გადაიხადოს საქონლის რეალიზაციიდან მისაღები სა­კომპენსაციო თანხის ( დღგ - ის გადამხდელის შემთხვევაში – დღგ - ის გა­რეშე ) 3 პროცენტი.

  3. სსზ- ის სტატუსის მქონე პირის მიერ დადგენილ ვადაში ფაქ­ტობრივად გადახდილი თანხა ჩაითვლება დაკავებული გადასახადის მი­ხედვით დეკლარირებულ საგადასახადო ვალდებულებად .

  4 . სსზ- ის ტერიტორიის მესაკუთრის შეცვლისას , მესაკუთრის შეცვ­ლამდე სპეციალური სავაჭრო ზონის სტატუსის მქონე იურიდიულ პირს ევალება, აცნობოს საქართველოს მთავრობას გასხვისების ფაქტისა და ახალი მესაკუთრის შესახებ . ასეთ შემთხვევაში სსზ- ის ტერიტორიის ახა­ლი მესაკუთრე ითვლება ძველის უფლებამონაცვლედ და მასზე ვრცელ­დება ყველა ის უფლება და ვალდებულება , რომლებიც გააჩნდა სსზ- ის ტე­რიტორიის ძველ მესაკუთრეს .

  5 . ამ მუხლის მე - 4 პუნქტით გათვალისწინებულ შემთხვევაში სა­ქართველოს მთავრობა სსზ- ის ტერიტორიის ძველ მესაკუთრეს უუქმებს და მის ახალ მესაკუთრეს ანიჭებს სპეციალური სავაჭრო ზონის სტატუსს .

  6 . იმ შემთხვევაში , თუ სსზ- ის სტატუსის მქონე პირს სურს გაზარ­დოს/შეამციროს სსზ- ის ტერიტორიის ფართობი , იგი ვალდებულია სულ მცირე 3 თვით ადრე აცნობოს ამ განზრახვის შესახებ შემოსავლების სამ­სახურს და წარუდგინოს მას, ამ წესის შესაბამისად, გეგმები სსზ- ის გაფა­რთოებული/შემცირებული საზღვრების ჩვენებით და სსზ- ის ახალ ტერი­ტორიაზე დააკმაყოფილოს სსზ- ის შექმნისა და ფუნქციონი­რები­სათვის ამ წესით დადგენილი ყველა პირობა .

  7 . სსზ- ის ტერიტორიაზე საქმიანობის ნაწილში სავაჭრო ადგი­ლების დამქირავებელ პირთა მიერ საქართველოს საგადასახადო კოდექ­სის 286 - ე მუხლის მე - 4 ან/და მე - 9 ნაწილებით გათვალისწინებული სამარ­თალ­დარღვევის გამოვლენისას შესაბამისი პასუხისმგებლობა დაეკისრება სსზ- ის სტატუსის მქონე პირს .

    მუხლი 5 . სსზ - ის ტერიტორიაზე საქმიანობის განმახორციელებელი ( სავაჭრო ობიექტის დამქირავებელი ) პირის ვალდებულებები

1 . სპეციალური სავაჭრო ზონის ტერიტორიაზე საქმიანობის განმა­ხორციელებელი დღგ - ის გადამხდელი პირი ვალდებულია დამოუკი­დებლად წარადგინოს დღგ - ის დეკლარაცია და გადაიხადოს შესაბამისი გადასახადი .

2 . სპეციალური სავაჭრო ზონის ტერიტორიაზე საქმიანობის გან­მახორციელებელი პირები თავად ახორციელებენ გადახდის წყაროსთან საშემოსავლო გადასახადის დაკავებას და დეკლარირებას .

3 . სავაჭრო ობიექტის დამქირავებელ იურიდიულ პირს , რომელიც საქონლის რეალიზაციას ახორციე ლებს სტაციონარული სავაჭრო ობიექ­ტის მეშვეობით , უფლება აქვს დამოუკიდებლად აწარმოოს საგადასახადო ანგარიშგება და შეასრულოს საგადასახადო ვალდებულებები .

4 . თუ პირი საქმიანობს მხოლოდ სპეციალური სავაჭრო ზონის ტე­რიტორიაზე , დასაბეგრი ოპერაციების თანხის 100 000 ლარზე გადამე­ტების შემთხვევაში მას არ წარმოეშვება დღგ - ის სავალდებულო რეგისტ­რაციის ვალდებულება . ამასთან , მას უფლება აქვს, ნებაყოფლობით დარე­ გისტრირდეს დღგ - ის გადამხდელად .

5 . პირის მიერ სსზ- ის ტერიტორიაზე მიღებული შემოსავალი , რო­მელიც დაიბეგრა ამ წესის მე - 4 მუხლის მე - 2 პუნქტის „ვ“ და „თ“ ქვე­პუნქტების შესაბამისად , არ ჩაირთვება ამ პირის ერთობლივ შემოსავალში და შემდგომ დაბეგვრას არ ექვემდებარება .

    მუხლი 6 . საქონლის სსზ - ის საწყობში აღრიცხვისა და მოძრაობის წესი

1. ორგანიზატორი ვალდებულია აწარმოოს ელექტრონული ჟურ­ნალი, რომლის მეშვეობით ხორციელდება სსზ- ის საწყობში საქონლის მი­ღება , შენახვა ან გაცემა . ელექტრონული ჟურნალი უნდა მოიცავდეს შემ­დეგ მონაცემებს :

ა ) საქონლის მფლობელის დასახელებას და საიდენტიფიკაციო ნო­მერს;

ბ ) საქონლის დასახელებას და მის მაიდენტიფიცირებელ კოდს ( შტრიხკოდის ნომერს ) ;

გ ) საქონლის რაოდენობას;

დ ) საქონლის ერთეულის ფასს;

ე ) შემოტანის დოკუმენტის დასახელებას ( ზედნადები , სპეციალური საგადასახადო ანგარიშ - ფაქტურა და ა . შ .), თარიღს და ნომერს ( სერია ) ;

ვ ) შემოტანის თარიღს;

ზ ) ინფორმაციას საქონლის საწყობიდან სავაჭრო ზონაში ან ზონის გარეთ გატანის თაობაზე .

2. ჟურნალში ქრონოლოგიური ( დღეების მიხედვით ) თანმიმ­დევ­რობით წარმოებული ჩანაწერები უნდა იძლეოდეს ზუსტ ინფორმაციას ზო­ნაში საქმიანობის განმახორციე ლებელი პირის საქონლის მოძრაობის შე­სახებ .

3. ელექტრონულ ჟურნალში გატარებული მონაცემები უნდა ინახე­ბოდეს საქართველოს საგადასახადო კოდექსით დადგენილი ხანდაზმუ­ლობის ვადის გათვალისწინებით და მასზე პირდაპირი წვდომა უნდა გა­აჩნდეს შემოსავლების სამსახურს .

    მუხლი 7 . საწყობიდან სავაჭრო ტერიტორიაზე საქონლის შეტანის პირობები

1 . საწყობში მოთავსებული საქონელი იმპორტში მოქცევის შემდგომ სსზ- ის საწყობში მოთავსების გარეშე შესაძლებელია მოხვდეს პირდაპირ სსზ- ში სარეალიზაციოდ , თუ საწყობი ერთ - ერთი გასასვლელით უშუა­ლოდ უკავშირდება სსზ- ის სავაჭრო ტერიტორიას და სავაჭრო ზონაში გატ ანილი საქონლის აღრიცხვა წარმოებს ამ წესის მე - 6 მუხლით გან­საზღვრულ ელექტრონულ ჟურნალში .

2. საჭიროების შემთხვევაში საწყობში მოთავსებული საქონელი იმ­პორტში მოქცევის შემდგომ შესაძლებელია შეტანილ იქნეს სსზ- ის სა­წყობში .

    მუხლი 8 . სსზ - ის შიგნით საქონლის გადაადგილება

1 . სსზ- ის შიგნით განლაგებული სავაჭრო ობიექტები ( მაღაზია , დახ­ლი და სხვ. ) საქონლის რეალიზაციას ახდენენ შტრიხკოდიანი „ სტიკერის“ ამობეჭდვით ან გაყიდული საქონლის სხვაგვარი ნიშანდებით .

2 . შეძენილ საქონელზე საფასურის გადახდა ხორციელდება სსზ- ის ტერიტორიის დატოვებისას ცენტრალიზებული სისტემის მეშვეობით ორ­განიზებულ სალაროებში .

3 . იმ შემთხვევაში, თუ საქონლის რეალიზაცია განხორციელდა სა­კომპენსაციო თანხის ადგილზე ( სსზ- ის სალაროში ) გადახდის გარეშე , სა­ქონელმა სსზ- ის ტერიტორია უნდა დატოვოს სსზ- ის საწყობის გავლით .

    მუხლი 9 . სსზ - ის სტატუსის გაუქმება

1 . თუ პირს განზრახული აქვს, შეწყვიტოს ბაზრის ან/და შენობა - ნაგებობის ტერიტორიაზე განლაგებული სავაჭრო ობიექტებისა და სა­ვაჭრო ადგილების გაქირავება , მან სსზ- ის სტატუსის გაუქმების მოთ­ხოვნით საქმიანობის შეწყვეტამდე 3 თვით ადრე განცხადებით უნდა მი­მართოს შემოსავლების სამსახურსა და 3 თვით ადრე აცნობოს სავაჭრო ად­გილების დამქირავებელ პირებს .

2 . სსზ- ის სტატუსი გაუქმებულად ითვლება ბაზრობის ორგანი­ზების საქმიანობის შეწყვეტის მომდევნო დღიდან .