საქართველოს პრეზიდენტის
ბრძანებულება № 807
2011 წლის 12 დეკემბერი
ქ. თბილისი
,,მომხმარებელთა ეკონომიკური ინტერესების დაცვის უზრუნველსაყოფად გასატარებელი ზოგიერთი ღონისძიების შესახებ“ საქართველოს პრეზიდენტის 2006 წლის 8 თებერვლის № 104 ბრძანებულებაში ცვლილების შეტანის თაობაზე
1. „ნორმატიული აქტების შესახებ“ საქართველოს კანონის მე-20 მუხლის შესაბამისად, ,,მომხმარებელთა ეკონომიკური ინტერესების დაცვის უზრუნველსაყოფად გასატარებელი ზოგიერთი ღონისძიების შესახებ“ საქართველოს პრეზიდენტის 2006 წლის 8 თებერვლის № 104 ბრძანებულებაში (სსმ III, 2006 წ., №19, მუხ. 220) შეტანილ იქნეს შემდეგი ცვლილება:
ა) ბრძანებულების პირველი პუნ ქ ტი ჩამოყალიბდეს შემდეგი რედაქციით:
,,1. რეგულირებად ეკონომიკურ სფეროებად განისაზღვროს მიწისზედა ელექტროტრანსპორტით, მიწისქვეშა ელექტროტრანსპორტით (მეტრო) და ავტობუსებით ( M3 კატეგორია - 5 ტონაზე მეტი) ადგილობრივი საქალაქო რეგულარული სამგზავრო გადაყვანა.“;
ბ) ბრძანებულების მე-4 პუნქტი ჩამოყალიბდეს შემდეგი რედაქციით:
,,4. ეს ბრძანებულება ძალაშია 2013 წლის 1 იანვრამდე.“.
2. ეს ბრძანებულება ამოქმედდეს გამოქვეყნებისთანავე.
მ. სააკაშვილი