ყვარლის მუნიციპალიტეტის საკრებულოს
დადგენილება №18
2011 წლის 13 ოქტომბერი
ქ. ყვარელი
I კლასის შენობა-ნაგებობათა განთავსება/მშენებლობის შესახებ
საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „ვ“ ქვეპუნტის, 61-ე მუხლის მე-2 პუნქტის, „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილების 65-ე და 66-ე პუნქტების შესაბამისად, საკრებულო ადგენს:
ყვარლის მუნიციპალიტეტის საკრებულოს 2018 წლის 3 დეკემბრის დადგენილება №63 - ვებგვერდი, 06.12.2018 წ.
მუხლი 1
1. ყვარლის მუნიციპალიტეტის ტერიტორიაზე „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილების 65-ე მუხლის პირველი პუნქტით გათვალისწინებული I კლასს დაქვემდებარებულ შენობა-ნაგებობათა განთავსება/მშენებლობა მშენებლობის ნებართვის გარეშე და საქართველოს მთავრობის დადგენილების 66-ე მუხლით გათვალისწინებული პროცედურის დაცვით შესაძლებელია ყვარლის მუნიციპალიტეტის მთელ ტერიტორიაზე, გარდა ამ დადგენილების მე-2 და მე-3 მუხლებით განსაზღვრული ტერიტორიისა, თუ საქართველოს კანონმდებლობით და ყვარლის მუნიციპალიტეტის საკრებულოს სხვა დადგენილებით კონკრეტულ ტერიტორიაზე აკრძალული ან შეზღუდული არ არის შენობა-ნაგებობათა განთავსება/მშენებლობა ან დემონტაჟი.
2. თუ შენობა-ნაგებობათა განთავსება/მშენებლობა ან დემონტაჟი ხორციელდება ამ დადგენილების მე-2 მუხლით გათვალისწინებული ტერიტორიის ფარგლებს გარეთ, დამატებითი დოკუმენტაციის სახით სავალდებულოა (გარდა გადაუდებლობის შემთხვევაში შენობა-ნაგებობის დროებითი გამაგრებისა) მერიაში წარმოდგენილ იქნეს:
ა) შენობა-ნაგებობის ფასადის მდებარეობის ამსახველი ადგილის ტოპოგრაფიული რუკა ფასადის მდებარეობის ადგილის ჩვენებით;
ბ) შენობა-ნაგებობის ესკიზური ნახაზი.
ყვარლის მუნიციპალიტეტის საკრებულოს 2018 წლის 30 აპრილის დადგენილება №35 - ვებგვერდი, 07.05.2018 წ.
მუხლი 2
1. ყვარლის მუნიციპალიტეტის ტერიტორიაზე I კლასს დაქვემდებარებულ შენობა-ნაგებობათა განთავსებისთვის/მშენებლობისთვის მშენებლობის ნებართვის აღება სავალდებულოა (გარდა გადაუდებლობის შემთხვევაში შენობა-ნაგებობის დროებითი გამაგრების სამუშაოებისა) , თუ ასაშენებელი/დემონტაჟისთვის განკუთვნილი შენობა -ნაგებობა მდებარეობს:
ა) ქ. ყვარლის ამ დადგენილების №1 დანართით გათვალისწინებულ ზონაში მდებარე მუნიციპალიტეტის ადმინისტრაციული ცენტრის ცენტრალურ და მიმდებარე ქუჩებზე;
ბ) ყვარლის მუნიციპალიტეტის ტერიტორიაზე არსებულ კულტურული მემკვიდრეობის დამცავ ზონებში (გარდა იმ შემთხვევისა, როდესაც ამ ზონებში შენობა-ნაგებობის მშენებლობა/მონტაჟი აკრძალულია ან შეზღუდულია „კულტურული მემკვიდრეობის შესახებ“ საქართველოს კანონით);
გ) ყვარლის მუნიციპალიტეტის ტერიტორიაზე არსებულ „საქართველოს კურორტებისა და საკურორტო ადგილების ნუსხის შესახებ“ საქართველოს პრეზიდენტის 2005 წლის 22 ივლისის №655 ბრძანებულებით განსაზღვრულ კურორტებსა და საკურორტო ადგილებში.
2. ამ მუხლის პირველი პუნქტის „ა“ და „ბ“ ქვეპუნქტებით გათვალისწინებულ ტერიტორიაზე ანტრესოლის, კიბის, ვიტრინის, კარის, ფანჯრის და სხვა ღიობების მოწყობა/დემონტაჟის შემთხვევაში, თუ ანტრესოლი, კიბე, ვიტრინა, კარი, ფანჯარა და სხვა ღიობები არ უკავშირდება შენობის ფასადის ცვლილებას, მათი მოწყობა/დემონტაჟი ხორციელდება შესაბამისი ნებართვის აღების გარეშე, საქართველოს მთავრობის დადგენილების 65-ე მუხლის პირველი პუნქტის „ყ“ ქვეპუნქტით გათვალისწინებული ვალდებულებისა და 66-ე მუხლით გათვალისწინებული პროცედურის დაცვით.
მუხლი 3
აკრძალულია საქართველოს მთავრობის დადგენილების 65-ე მუხლის პირველი პუნქტის „თ“ ქვეპუნქტით გათვალისწინებული შენობა-ნაგებობების ან/და დანადგარების განთავსება №2 დანართით (რუკაზე მონიშნული არეალით) გათვალისწინებული ტერიტორიაზე, გარდა იმ შემთხვევისა, თუ გარე ვაჭრობის რეგულირების შესახებ ყვარლის მუნიციპალიტეტის საკრებულოს შესაბამისი დადგენილებით სხვა რამ არ არის გათვალისწინებული.
მუხლი 4
დადგენილება ამოქმედდეს გამოქვეყნებისთანავე.
საკრებულოს თავმჯდომარე ბ. ზანდარაშვილი
დანართი №1
|
ი. ჭავჭავაძჲს ქ. №34 -დან №224- მდე |
ი. ჭავჭავაძის ქ. №23- დან №113- მდე |
|
რაჭის ქ. №2- დან №10- მდე |
ბესიკის ქ. №2- დან №50 -მდე |
|
ი. ჭავჭავაძის ქ. №1- დან №27- მდე |
წანარების ქ. №82- დან №124- მდე |
|
გოგებაშვილის ქ. №1- დან №43- მდე |
ჯორჯიაშვილის ქ. №1- დან №21- მდე |
|
გოგებაშვილის ქ. №2- დან №22- მდე |
ჯორჯიაშვილის ქ. № 2- დან № 10- მდე |
|
გურამიშვილის ქ. №1- დან № 131- მდე |
ერეკლე II-ს ქ. №1-დან №20-მდე |
|
მირიან მეფის ქ. №1- დან № 17- მდე |
კუდიგორის ქ. №1- დან №3- მდე |
|
მირიან მეფის ქ. №2- დან № 28- მდე |
კუდიგორის ქ. №2- დან №18- მდე |
|
ფარნავაზის ქ. №1- დან № 17- მდე |
ელადის ქ. №2- დან №24- მდე |
|
ფარნავაზის ქ. №2- დან №22- მდე |
წერეთლის ქ. №1- დან №47- მდე |
|
დუმბაძის ქ. №1- დან №31- მდე |
წერეთლის ქ. №2- დან №32- მდე |
|
დუმბაძის ქ. №2- დან №22- მდე |
რუსთაველის ქ. №1- დან №29- მდე |
|
არტურ ლაისტის ქ. №1- დან №31- მდე |
რუსთაველის ქ. №2- დან №32- მდე |
|
არტურ ლაისტის ქ. №2- დან №24- მდე |
დოდაშვილის ქ. №1- დან №27- მდე |
|
დ. ავაზაშვილის ქ. №1- დან №19- მდე |
დოდაშვილის ქ. № 2- დან № 36- მდე |
|
დ. ავაზაშვილის ქ. №2- დან №24- მდე |
თავისუფლების ქ. №1- დან №25- მდე |
|
უორდროპების ქ. №1- დან №45- მდე |
თავისუფლების ქ. №2- დან №20- მდე |
|
უორდროპების ქ. №2- დან №28- მდე |
კუპრაშვილის ქ. №1- დან №5- მდე |
|
ნინოწმინდის ქ. №1- დან №23- მდე |
კუპრაშვილის ქ. №2- დან №5- მდე |
|
ნინოწმინდის ქ. №2- დან №24- მდე |
ვაჟა-ფშაველას ქ. №1- დან №23- მდე |
|
აღმაშენებლის ქ. №1- დან №27- მდე |
ვაჟა-ფშაველას ქ. №2-დან №48-მდე |
|
აღმაშენებლის ქ. №2- დან №26- მდე |
9 მარტის ქ. №1-დან №31-მდე |
|
სააკაძის ქ. №1- დან №35- მდე |
|
|
ნონეშვილის ქ. №1- დან №13- მდე |
|
|
ნონეშვილის ქ. №2- დან №44- მდე |
|
|
ჯავახიშვილის ქ. №1- დან №31- მდე |
|
|
ჯავახიშვილის ქ. №2- დან №18- მდე |
|
|
ბარათაშვილის ქ. №1- დან №17- მდე |
|
|
ბარათაშვილის ქ. №2- დან №10- მდე |
დანართი №2