საქართველოს შრომის კანონთა კოდექსში ცვლილების შეტანის შესახებ

საქართველოს კანონი

მუხლი 1. საქართველოს შრომის კანონთა კოდექსის (საქართველოს სსრ უმაღლესი საბჭოს უწყებები, 1973 წ., №6, მუხ. 118) 76-ე მუხლის პირველი ნაწილი ჩამოყალიბდეს შემდეგი რედაქციით:

„1. მინიმალური ხელფასი არის სოციალურ-ეკონომიკური ნორმატივი, რომელიც განსაზღვრავს შრომის ანაზღაურების დასაშვებ მინიმალურ დონეს. მინიმალური ხელფასის ოდენობა, რომელსაც ამტკიცებს საქართველოს პრეზიდენტი, არ უნდა იყოს საშუალო მომხმარებლის საარსებო მინიმუმზე ნაკლები.“.

მუხლი 2. ეს კანონი ამოქმედდეს 2005 წლის 1 ივლისიდან.

საქართველოს პრეზიდენტი ე.შევარდნაძე

თბილისი,

2003 წლის 7 მაისი.

№2130 – IIს