საქართველოს იუსტიციის მინისტრის
ბრძანება № 110
2011 წლის 2 აგვისტო
ქ. თბილისი
„ქალაქ თბილისის პროკურატურის დებულების დამტკიცების შესახებ“ საქართველოს იუსტიციის მინისტრის 2010 წლის 31 დეკემბერის №243 ბრძანებაში ცვლილების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1. ,,ქალაქ თბილისის პროკურატურის დებულების დამტკიცების შესახებ“ საქართველოს იუსტიციის მინისტრის 2010 წლის 31 დეკემბერის №243 ბრძანებით (სსმ № 172, 31.12.2010წ., მუხ. 2498) დამტკიცებულ დებულებაში შეტანილ იქნეს შემდეგი ცვლილება:
1. მე-8 მუხლის პირველ პუნქტს დაემატოს შემდეგი შინაარსის „ვ“ ქვეპუნქტი:
„ვ) მრჩევლები – მოწმისა და დაზარალებულის კოორდინატორები . “.
2. მე-8 მუხლს დაემატოს შემდეგი შინაარსის მე-7 პუნქტი:
,,7. მრჩევლები – მოწმისა და დაზარალებულის კოორდინატორები ორგანიზებას უწევენ და უზრუნველყოფენ სისხლის სამართლის საქმეზე დაზარალებულისა და მოწმისათვის შესაბამისი ინფორმაციის მიწოდებას და მათთან ურთიერთობის კოორდინაციას.“.
მუხლი 2. ეს ბრძანება ამოქმედდეს 2011 წლის 3 აგვისტოდან.
ზ. ადეიშვილი