საქართველოს პრეზიდენტის
ბრძანებულება №390
2011 წლის 19 ივლისი
ქ. თბილისი
„დოკუმენტის აპოსტილით დამოწმების წესის დამტკიცების შესახებ“ საქართველოს პრეზიდენტის 2009 წლის 14 ივლისის №404 ბრძანებულებაში ცვლილების შეტანის თაობაზე
1. „ნორმატიული აქტების შესახებ” საქართველოს კანონის მე-20 მუხლის შესაბამისად, „დოკუმენტის აპოსტილით დამოწმების წესის დამტკიცების შესახებ“ საქართველოს პრეზიდენტის 2009 წლის 14 ივლისის №404 ბრძანებულების (სსმ III, 2009 წ., №86, მუხ. 924) პირველი პუნქტის ,,ა“ ქვეპუნქტით დამტკიცებულ დოკუმენტის აპოსტილით დამოწმების წესში (დანართი №1) შეტანილ იქნეს ცვლილება და მე-5 მუხლის პირველი პუნქტის „გ“ ქვეპუნქტი ამოღებულ იქნეს.
2. ამ ბრძანებულების ამოქმედებამდე საქართველოს უზენაეს სასამართლოში აპოსტილით დამოწმების მიზნით წარდგენილი სასამართლო ორგანოების მიერ გაცემული დოკუმენტების აპოსტილით დამოწმება განახორციელოს საქართველოს უზენაესმა სასამართლომ.
3. ეს ბრძანებულება ამოქმედდეს გამოქვეყნებისთანავე.
მ. სააკაშვილი