თვითმმართველი ქალაქი რუსთავის საკრებულოს
დადგენილება №102
2011 წლის 14 ივლისი
ქ. რუსთავი
„თვითმმართველი ქალაქი რუსთავის მერიის ტერიტორიული ორგანოების ტიპური დებულების დამტკიცების შესახებ“ თვითმმართველი ქალაქი რუსთავის საკრებულოს 2010 წლის 22 ოქტომბრის №31 დადგენილებაში ცვლილების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის შესაბამისად,
თვითმმართველი ქალაქი რუსთავის საკრებულო ა დ გ ე ნ ს :
მუხლი 1
შევიდეს ცვლილება „თვითმმართველი ქალაქი რუსთავის მერიის ტერიტორიული ორგანოების ტიპური დებულების დამტკიცების შესახებ“ თვითმმართველი ქალაქი რუსთავის საკრებულოს 2010 წლის 22 ოქტომბრის №31 დადგენილებით (სსმ 46 03.11.2010 წ.) დამტკიცებულ დანართში და დებულების მე-3 მუხლის მე-3 პუნქტის „ი“ ქვეპუნქტი ჩამოყალიბდეს ახალი რედაქციით:
„ი) აკონტროლებს ადმინისტრაციულ ერთეულში ადგილობრივი ბიუჯეტიდან დაფინანსებული პროგრამებისა და ღონისძიებების განხორციელების მიმდინარეობას და შესაბამის ინფორმაციას ყოველთვიურად (საჭიროების შემთხვევაში თვეში 2-ჯერ) წერილობითი ფორმით წარუდგენს მერს და მოთხოვნის შემთხვევაში საკრებულოს.“.
მუხლი 2
დადგენილება ძალაშია გამოქვეყნებისთანავე.
მოვალეობის შემსრულებელი კ. ბარათაშვილი