სახელმწიფო სარეგისტრაციო კოდი 090.012.003.517
საქართველოს ფინანსთა მინისტრის, საქართველოს სახელმწიფო საგადასახადო დეპარტამენტის თავმჯდომარისა და საქართველოს სახელმწიფო საბაჟო დეპარტამენტის თავმჯდომარის
ერთობლივი ბრძანება №66/56/59
1999 წლის 29 მარტი - 5 აპრილი
ქ. თბილისი
"საქართველოში ალკოჰოლიანი სასმელების, ლუდის და თამბაქოს ნაწარმის აქციზური მარკებით ნიშანდების შესახებ" დებულების დამტკიცების თაობაზე" საქართველოს ფინანსთა სამინისტროს, საქართველოს სახელმწიფო საგადასახადო დეპარტამენტის და საქართველოს სახელმწიფო საბაჟო დეპარტამენტის 1999 წლის 28 იანვრის №24/17/23 ბრძანებაში ცვლილებებისა და დამატებების შეტანის თაობაზე"
"საქართველოში ალკოჰოლიანი სასმელების, ლუდისა და თამბაქოს ნაწარმის წარმოებაზე, იმპორტსა და რეალიზაციაზე აქციზური მარკების შემოღების შესახებ" საქართველოს პრეზიდენტის 1998 წლის 28 მაისის №355 ბრძანებულების შესრულების მიზნით, ამავე ბრძანებულებით გათვალისწინებული ჩამორთმეული აქციზური საქონლის განადგურების წესის შემუშავებამდე შეტანილ იქნეს ცვლილებები და დამატებები "საქართველოში ალკოჰოლიანი სასმელების, ლუდის და თამბაქოს ნაწარმის აქციზური მარკებით ნიშანდების შესახებ" დებულების დამტკიცების თაობაზე" საქართველოს ფინანსთა სამინისტროს, საქართველოს სახელმწიფო საგადასახადო დეპარტამენტის და საქართველოს სახელმწიფო საბაჟო დეპარტამენტის 1999 წლის 28 იანვრის №24/17/23 ბრძანებაში:
1. მე-3 მუხლის მე-3 პუნქტიდან ამოღებულ იქნეს შემდეგი წინადადებები:
"აკრძალულია ასეთი სახის საქონლის წარმოება, იმპორტირება და რეალიზაცია. აღნიშნულის მცდელობისას საქონელი ექვემდებარება სრული მოცულობით კონფისკაციას.".
2. აღნიშნული ცვლილება ძალაში შედის კანონით დადგენილი წესით მისი რეგისტრაციისა და გამოქვეყნების შემდეგ.
დ. ონოფრიშვილი
მ. ჩიკვილაძე
თ. მაღალკელიძე