„სამხედრო და შინაგან საქმეთა ორგანოების სამსახურებიდან თადარიგში დათხოვნილ პირთა და მათი ოჯახის წევრთა საპენსიო უზრუნველყოფის შესახებ“ საქართველოს კანონში დამატებების შეტანის თაობაზე

„სამხედრო და შინაგან საქმეთა ორგანოების სამსახურებიდან თადარიგში დათხოვნილ პირთა და მათი ოჯახის წევრთა საპენსიო უზრუნველყოფის შესახებ“ საქართველოს კანონში დამატებების შეტანის თაობაზე

საქართველოს კანონი

„სამხედრო და შინაგან საქმეთა ორგანოების სამსახურებიდან თადარიგში დათხოვნილ პირთა და მათი ოჯახის წევრთა საპენსიო უზრუნველყოფის შესახებ“ საქართველოს კანონში დამატებების შეტანის თაობაზე

    მუხლი 1

„სამხედრო და შინაგან საქმეთა ორგანოების სამსახურებიდან თადარიგში დათხოვნილ პირთა და მათი ოჯახის წევრთა საპენსიო უზრუნველყოფის შესახებ“ საქართველოს კანონში (პარლამენტის უწყებანი, №27-28/4, 21 ნოემბერი, 1996) შეტანილ იქნეს შემდეგი დამატებები:

1. პირველი მუხლის „ა“ ქვეპუნქტში სიტყვების „ნებაყოფლობით სამხედრო სამსახურში“ შემდეგ დაემატოს სიტყვები „და სამხედრო რეზერვის პირველ თანრიგში“.

2. მე-11 მუხლის „ა“ ქვეპუნქტში სიტყვების „სამხედრო მოსამსახურეებს,“ შემდეგ დაემატოს სიტყვები „გარდა პირველი თანრიგის რეზერვისტებისა,“, ხოლო „გ“ ქვეპუნქტის შემდეგ დაემატოს შემდეგი შინაარსის „დ“ ქვეპუნქტი:

„დ) პირველი თანრიგის რეზერვისტებს, რომლებსაც რეზერვიდან დათხოვნის დღეს აქვთ წელთა ნამსახურობის 20 ან მეტი კალენდარული წელი და შეუსრულდათ საქართველოს შრომის კანონმდებლობით განსაზღვრული ზღვრული ასაკი.“.

    მუხლი 2

ეს კანონი ამოქმედდეს გამოქვეყნებისთანავე.

საქართველოს პრეზიდენტი

ედუარდ შევარდნაძე

თბილისი,

2002 წლის 21 ივნისი.

№1539–IIს