თეთრიწყაროს მუნიციპალიტეტის საკრებულოს
დადგენილება №7/4
2011 წლის 15 ივნისი
ქ. თეთრიწყარო
თეთრიწყაროს მუნიციპალიტეტის საკუთრებაში არსებული უძრავი და მოძრავი ქონების სარგებლობის უფლებით გადაცემის საფასურის განსაზღვრის თაობაზე
„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „პ“ ქვეპუნქტის, „ადგილობრივი თვითმმართველი ერთეულის ქონების შესახებ“ საქართველოს კანონის 195 მუხლის მე-3 პუნქტის, „სახელმწიფო ქონების შესახებ“ საქართველოს კანონის 38-ე მუხლისა და „სახელმწიფო ქონების საპრივატიზებო საფასურის, საწყისი საპრივატიზებო საფასურისა და სარგებლობაში გადაცემის საფასურის განსაზღვრის წესის დამტკიცების შესახებ“ საქართველოს პრეზიდენტის 2012 წლის 27 სექტემბრის №898 ბრძანებულების შესაბამისად, თეთრიწყაროს მუნიციპალიტეტის საკრებულო ადგენს:
თეთრიწყაროს მუნიციპალიტეტის საკრებულოს 201 3 წლის 27 მარტის დადგენილება № 14 - ვებგვერდი, 03.04.2013 წ.
1. თეთრიწყაროს მუნიციპალიტეტის საკუთრებაში არსებული უძრავი და მოძრავი ქონების, საქართველოს სამოქალაქო კოდექსით გათვალისწინებული სარგებლობის ფორმებით, სასყიდლით გადაცემისას, ქონების სარგებლობაში გადაცემის წლიური საფასური განისაზღვრება:
ა) ქ. თეთრიწყაროსა და დაბა მანგლისის ტერიტორიაზე არსებულ უძრავ ქონებაზე – დამოუკიდებელი აუდიტორის (ექსპერტის) შესაბამისი დაკვნის ან ბალანსმფლობელის (მოსარგებლის) მიერ მოწოდებული ქონების ნარჩენი საბალანსო ღირებულების გათვალისწინებით, საწყისი საპრივატიზებო საფასურის 10%-ის ოდენობით;
ბ) თეთრიწყაროს მუნიციპალიტეტის დანარჩენ ტერიტორიაზე არსებულ უძრავ ქონებაზე – დამოუკიდებელი აუდიტორის (ექსპერტის) შესაბამისი დაკვნის ან ბალანსმფლობელის (მოსარგებლის) მიერ მოწოდებული ქონების ნარჩენი საბალანსო ღირებულების გათვალისწინებით, საწყისი საპრივატიზებო საფასურის 5%-ის ოდენობით;
გ) თეთრიწყაროს მუნიციპალიტეტის საკუთრებაში არსებულ მოძრავ ქონებაზე – დამოუკიდებელი აუდიტორის (ექსპერტის) შესაბამისი დაკვნის ან ნარჩენი საბალანსო ღირებულების გათვალისწინებით, საწყისი საპრივატიზებო საფასურის 5%-ის ოდენობით.
თეთრიწყაროს მუნიციპალიტეტის საკრებულოს 2013 წლის 31 მაისის დადგენილება №20 - ვებგვერდი, 10.06.2013 წ.
2. დადგენილება ძალაშია გამოქვეყნებისთანავე.
საკრებულოს თავმჯდომარე გ. მესტვირიშვილი
შეტანილი ცვლილებები:
1. თეთრიწყაროს მუნიციპალიტეტის საკრებულოს 2013 წლის 27 მარტის დადგენილება № 14 - ვებგვერდი , 03.04.2013 წ.
2. თეთრიწყაროს მუნიციპალიტეტის საკრებულოს 2013 წლის 31 მაისის დადგენილება №20 - ვებგვერდი, 10.06.2013 წ.
3. ძალადაკარგულია - თეთრიწყაროს მუნიციპალიტეტის საკრებულოს 2015 წლის 27 მარტის დადგენილება № 120 - ვებგვერდი, 0 2.0 4.201 5 წ.