მცხეთის მუნიციპალიტეტის საკრებულოს
დ ა დ გ ე ნ ი ლ ე ბ ა №38
2011 წლის 23 მაისი
ქ.მცხეთა
მცხეთის მუნიციპალიტეტის ტერიტორიაზე ,,ადგილობრივი გადასახადის – ქონების გადასახადის შემოღების შესახებ’’ მცხეთის მუნიციპალიტეტის საკრებულოს 2011 წლის 30 მარტის №31 დადგენილებაში ცვლილებების შეტანის თაობაზე
„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის „მ“ ქვეპუნქტის, საქართველოს საგადასახადო კოდექსის მე-60, 204-ე და 206-ე მუხლების , „სასოფლო-სამეურნეო დანიშნულების მიწაზე ქონების გადასახადის წლიური საბაზისო განაკვეთების დამტკიცების თაობაზე“ საქართველოს მთავრობის 2010 წლის 23 დეკემბრის №394 დადგენილების, „ნორმატიული აქტების შესახებ“ საქართველოს კანონის მე-20 მუხლისა და ,,ადგილობრივი თვითმმართველობის ორგანოების საქმიანობის სახელმწიფო ზედამხედველობის შესახებ“ საქართველოს კანონის მე-8 მუხლის საფუძველზე,
მცხეთის მუნიციპალიტეტის საკრებულო ა დ გ ე ნ ს :
მუხლი 1
მცხეთის მუნიციპალიტეტის ტერიტორიაზე ,,ადგილობრივი გადასახადის – ქონების გადასახადის შემოღების შესახებ’’ მცხეთის მუნიციპალიტეტის საკრებულოს 2011 წლის 30 მარტის №31 დადგენილებაში შეტანილ იქნეს შემდეგი სახის ცვლილებები:
1. დადგენილების პირველი მუხლის მე-4 პუნქტში, სასოფლო-სამეურნეო მიწაზე ქონების გდასახადის განაკვეთების ცხრილში ნაცვლად სიტყვებისა ,,ბუნებრივი რესურსები“ ჩაიწეროს ,,ბუნებრივი რესურსებით მოსარგებლეთათვის 1 ჰა“.
მუხლი 2
დადგენილების პირველი მუხლის მე-4 პუნქტით განსაზღვრული ქონების გადასახადთან დაკავშირებით დაწესებულ შეღავათების განაკვეთების ცხრილში ნაცვლად სიტყვებისა ,,ბუნებრივი რესურსები“ ჩაიწეროს ,,ბუნებრივი რესურსებით მოსარგებლეთათვის 1 ჰა“ .
მუხლი 3
დადგენილება ძალაშია გამოქვეყნებისთანავე.
საკრებულოს თავმჯდომარე ა. კალანდაძე