სახელმწიფოსარეგისტრაციო კოდი 3300.010.000.11.116.005.109
საქართველოს ურბანიზაციისა და მშენებლობის მინისტრის
ბრძანება №74
2001 წლის 27 დეკემბერი
ქ. თბილისი
საქართველოს ურბანიზაციისა და მშენებლობის მინისტრის 2001 წლის 12 თებერვლის №4 ბრძანებაში „იმ ობიექტების ჩამონათვალის დამტკიცების შესახებ, რომელთა მშენებლობის პროექტები ექვემდებარება სავალდებულო სახელმწიფო ექსპერტიზას მიუხედავად მშენებლობის ღირებულებისა, დაფინანსების წყაროსა და საკუთრების ფორმისა და კუთვნილებისა, მათი მნიშვნელობის, ფუნქციური დანიშნულების, განლაგებისა და სხვა ტექნიკურ-ეკონომიკური მაჩვენებლების გათვალისწინებით“ ცვლილებების შეტანის შესახებ
„მშენებლობის პროექტების სახელმწიფო ექსპერტიზის დამტკიცების შესახებ“ საქართველოს კანონის მე-14 მუხლს „ბ.ა“ პუნქტის მოთხოვნის შესაბამისად, ვბრძანებ:
1. საქართველოს ურბანიზაციისა და მშენებლობის მინისტრის 2001 წლის 12 თებერვლის №4 ბრძანებით დამტკიცებულ „იმ ობიექტების ჩამონათვალში, რომელთა მშენებლობის პროექტები ექვემდებარება სავალდებულო სახელმწიფო ექსპერტიზას მიუხედავად მშენებლობის ღირებულებისა, დაფინანსების წყაროსა და საკუთრების ფორმისა და კუთვნილებისა, მათი მნიშვნელობის, ფუნქციური დანიშნულების, განლაგებისა და სხვა ტექნიკურ-ეკონომიკურ მაჩვენებლების გათვალისწინებით“ შეტანილ იქნეს შემდეგი ცვლილებები:
ა) მე-II თავის 1-ლი პუნქტი ჩამოყალიბდეს შემდეგი რედაქციით:
„1. ქალაქებისა და სხვა დასახლების ისტორიულ-კულტურული მემკვიდრეობის სახელმწიფო დაცვის ზონებში, სანიტარიული დაცვის ზონებში, სასაზღვრო და სხვა გეგმარებითი შეზღუდვების ტერიტორიებზე, სახელმწიფო ნაკრძალებში, ეროვნულ პარკებში.“;
ბ) მე IV თავის მე-4 პუნქტი ჩამოყალიბდე შემდეგი რედაქციით:
„4. მაღალი ძაბვის ელექტროგადამცემი ხაზები (35 კვ და მეტი ძაბვის) და ქვესადგურები (110 კვ და მეტი ძაბვის).“.
2. ბრძანება ამოქმედდეს გამოქვეყნებისთანავე.
მ. ჩხენკელი