ახალგორის მუნიციპალიტეტის საკრებულოს
დ ა დ გ ე ნ ი ლ ე ბ ა №34
2011 წლის 11 მაისი
ს.წეროვანი, დევნილთა დასახლება
„ახალგორის თვითმმართველი ერთეულის ქონების ფლობის, განკარგვის და ქონებით სარგებლობის წესის დამტკიცების შესახებ” ახალგორის მუნიციპალიტეტის საკრებულოს 2011 წლის 28 თებერვლის №28 დადგენილებაში ცვლილებებისა და დამატებების შეტანის თაობაზე
„ნორმატიული აქტების შესახებ” საქართველოს კანონის მე-20 მუხლის შესაბამისად, ახალგორის მუნიციპალიტეტის საკრებულო ა დ გ ე ნ ს:
1. ”ახალგორის თვითმმართველი ერთეულის ქონების ფლობის, განკარგვის და ქონებით სარგებლობის წესის დამტკიცების შესახებ” ახალგორის მუნიციპალიტეტის საკრებულოს 2011 წლის 28 თებერვლის №28 დადგენილებაში შეტანილ იქნეს შემდეგი ცვლილებები და დამატებები:
ა) დადგენილებით დამტკიცებული წესის მე-13 მუხლის მე-4 პუნქტი ამოღებულ იქნეს;
ბ) დადგენილებით დამტკიცებული წესის 21-ე მუხლის მე-3 პუნქტის „თ” ქვეპუნქტი ჩამოყალიბდეს შემდეგი რედაქციით:
„თ” უპირობო და გამოუხმობი საბანკო გარანტიის ოდენობა;
გ) დადგენილებით დამტკიცებული წესის 25-ე მუხლის მე-3 პუნქტი ჩამოყალიბდეს შემდეგი რედაქციით:
„3. ქონების აუქციონის წესით სარგებლობის უფლებით გადაცემის შემთხვევაში გამარჯვებულ პირს შეტანილი ბე ეთვლება ხელშეკრულებით გათვალისწინებული გადასახდელი ქირის ოდენობაში, წარდგენილი უპირობო და გამოუხმობი საბანკო გარანტიის /ბეს თანხა სრულად ირიცხება ახალგორის მუნიციპალიტეტის ბიუჯეტში, ხოლო აუქციონის დანარჩენ მონაწილეებს წარმოდგენილი უპირობო და გამოუხმობი საბანკო გარანტიის/ბეს თანხა უბრუნდებათ მისი შეტანის დამადასტურებელი ქვითრის წარდგენის საფუძველზე მოთხოვნიდან 30 (ოცდაათი) კალენდარულ დღეში.
2. ეს დადგენილება ამოქმედდეს დადგენილი წესით, გამოქვეყნებისთანავე.
საკრებულოს თავმჯდომარე ა.ყოჩიშვილი