საქართველოს კანონი
საქართველოს სისხლის სამართლის საპროცესო კოდექსში დამატების შეტანის თაობაზე
მუხლი 1
საქართველოს სისხლის სამართლის საპროცესო კოდექსის (პარლამენტის უწყებანი, №13-14, 08.04.1998, გვ.91) 66-ე მუხლის მე-2 ნაწილის „ე1“ ქვეპუნქტი ჩამოყალიბდეს შემდეგი რედაქციით:
„ე1. საქართველოს ფინანსთა სამინისტროს საბაჟო დეპარტამენტის მოკვლევის ორგანოები – საქართველოს ფინანსთა სამინისტროს საბაჟო დეპარტამენტის საჯარო მოსამსახურეთა მიერ ჩადენილი სამოხელეო დანაშაულის, საბაჟო გადასახდელებისაგან თავის არიდებისა და საბაჟო კანონმდებლობის დარღვევის საქმეებზე;“.
მუხლი 2
ეს კანონი ამოქმედდეს 2003 წლის 1 ნოემბერს.
საქართველოს პრეზიდენტი ედუარდ შევარდნაძე.
თბილისი,
2003 წლის 26 აგვისტო.
№3106–რს